ويا ك وياك شعر ام هدى الخزاعي
------------------------------------------------
صرخات الايتام وداعا يالولي وياك وياك اخذنا ياعلي
-------------------------------------
بالحسره والاه يتامى اتعنتك -- من شافت لراس يحيدر ندبتك
هزالسماوات خبرها مصيبتك --- وبالسبعه هالصوت يصرخ يعتلي
وياك وياك اخذنا ياعلي
-----------------
وكفت على الباب يتاماك وتون --- ياراعي الايتام رادتك تحن
كل دمعه بدموم راعبها الزمن -- وتنادي ياحيد والدمعه تهلي
وياك وياك اخذنا ياعلي
-----------------
ويا ك وياك يحماي الحمه --- دنيا وبلياك يحيدر مظلمه
والموت وياك فوز وغانمه -- بعدك يبو حسين كلنه ننولي
وياك وياك اخذنا ياعلي
------------------
هليله الاكوان مجروحه بجرح --- ومحتاره الايتام ناحت للصبح
تلطم على الراس وتواسي الجرح --- وتصيح نفداك والدمعه تغلي
وياك وياك اخذنا ياعلي
-------------------
اخذنا مولاي تبجي وتنتحب --- ياريت وياك كل راس انخضب
دكت على الراس وتهيل الترب --- تيتمنه مرتين ومصابك جلي
وياك وياك اخذنا ياعلي
-------------------
ويا ك وياك صرختها بصدى --- من سمعت يصدح والندى
تهدمت والله اركان الهدى --- من صابوا الهام ياخير ولي
وياك وياك اخذنا ياعلي
-------------------
ونسالكم الدعاء
تعليق