قصيدة كربلاء والعيد (بقلمي )

[خليل علي الزبيدي]

قصيدة كربلاء والعيد




ناده العرش شهر الصوم ـــــــيمته الفرج وآذانه

لسه العطاشه علَ الـﮔـاع ـــــ يم النـــــــهر ظمآنه



ياساعه صاحبها يصيح وبصيــــحته المعروفه
وينهض ليوم الميعاد راعي الكرم بصــــفوفه
ويسـﮔـي العطاشه وعباس ترجع ثـنين ﭽفوفه
وترتوي العيله من الماي وي زينب الحزنانه



يمته يهل بدر العـــــــــــــيد ويفرح المظلومه
وينصب محاكمة يزيد والعصـــبة المشؤومه
ساعة ويـــــهل بدر الدار وتشاهدون نجومه
ويمشي علَ دين المختار وبشرعـته وقرآنه



رب العرش حُكمه يـﮔــــــول لابد يرد غايبها
ويوﮔــُّف أهل الاجرام وبصــــــارمه يحاسبها
يظهر ظلامات الباب وبحرﮔـــــــــته يطالبها
يمله الارض قسط ونور صوت العدل عنوانه





كل شهر رمضان الناس تنتظر أمر الصيحه
والغايب لأمر الدين لابد يجي لتصحــــــيحه
وصوت النداء بكل صوب مايحوج لتلمــيحه
ويظهر بكل الاقطار وارث علي وبرهــــــانه



ولن بأرض كوفه يصير حاكم وكلها تطيعه
غرب وشرق كل لســـــان هذا البيان تذيعه
أمر السما المهدي ﮔـام وبيمـــــــنته تشريعه
قائم بأمر المعبود يمتــــــــــلك انسه وجانه



*******

اللهم عجل لوليك الفرج

[من نسل عبيدك احسبني ياحسين]

السلام عليكم أستاذناابوامنةالكريم إن شاء الله تكون من أنصارالمنقذ

[علي حسين الخباز]

يا اخي انت شاعر كبير ومبدع حسيني رعاك الله بجميع ايامه اعيادا

[مهندسة كهرباء]

كل عام وأنتم بخير

[خليل علي الزبيدي]

السلام عليكم أستاذناابوامنةالكريم إن شاء الله تكون من أنصارالمنقذ

الابنة المباركة من نسل عبيدك احسبني ياحسين كل عام وأنتم بألف ألف خير على محبة محد وال محمد وجعلك الله من أنصار صاحب يوم الفتح وجعلك من جنوده ومن المرابطات في صفه

[خليل علي الزبيدي]

يا اخي انت شاعر كبير ومبدع حسيني رعاك الله بجميع ايامه اعيادا

أستاذي الكريم علي حسين الخباز كل عام وأنتم بألف ألف خير , كيف لايكون الصغير كبيرا إذا شمله دعاء جار أبطال وأنوار كربلاء هنيئاً لكم ذلك الجوار وزادكم الله من نعيمه بمحمد وال محمد .

[خليل علي الزبيدي]

كل عام وأنتم بخير

الاخت الموفقة {مهندسة كهرباء} كل عام وأنتم بألف ألف خير وحباكم الله بلطائف بره وجوائز محبيه بمحمد وال محمد .