تويت
كل يوم اليمر يحسين ....للطف شابحة عيوني
أنادي يخوتي يكرام ..... غريبة لا تخلوني
................................
لعتابك من تصد العين ......دم يسيل ناظرها
وحسره بلكلب ياخوي....يصعب من نفسرها
غريبة وغربتي بجفاك ....اتجرع غصب مرها
بين امي تراه اعداك ... رسمت اه بمتوني
..................................
شحال أختك يعالي الشأن....صعبه يااسد صعبه
بين أهل الكفر يحسين .....ثار الحيدرة تطلبه
بجفاك وغيبة العباس.... اضحت زينب بغربه
زينب مضرب الامثال ....بيد المارحم كلبه
ادري بالعتب جتال ....لأجن يحسين سبوني
.................................
رتك من بعد يحسين.....تصد وتمعن النضره
كتبوا علصحن ممنوع ...زاير يوصل الحضرة
يحسين وإلك ناديت ....انه العباس منتظرة
كله افزع يراعي الجود....وطفي بجودك الجمرة
جمرة الحركت الصيوان....ردو بيه راموني
...................................
كله افزع ولتنه الناس ....وهلت دمعة أسكينة
ونادت عمة يازينب ....انشدج كأفلج وينة
اشكيلك غربتي يحسين ....يخوية ومن يحامينة
السبتنه بكربلة بجفاك ...تريد اليوم تسبينة
وانه بدمعتي خطيت....عتابي يلكفلتوني
....................................
اخط بدمعي والأمي....عتابي وسيرت أيامي
وذرها بجفي وي الريح ....إلك مرسال يالظامي
تخبرك قصتي بحال.... بظماي وضيعة أحلامي
وحيدة الحرة برض الشام....وعيون ألناصبي ترامي
وتعلم خوية كصد أعداك....كل ظنهم يذلوني
...........................................
مابين الم والاه ....برض الشام محكومه
من ناسي وهلي يحسين ....صرت هاليوم محرومه
حالي بغيبتك موحال .... يخبرك دمعي بعلومه
اسيرة وحيرتي حيره.... وعذولي ألكبري يرومه
الياحد انتظر يكرام ....شعذركم ماتجيبوني
..................................................
الحمد لله
أبو حسن المياحي
حسين منجل العكيلي
تعليق