تويت
في ذكرى أستشهاد نور الإمامة الإلهية
الهادية { الإمام محمد بن علي الجواد }
نجل الإمام الرضا ( عليهما السّلام )
يوم 29 من ذي القعدة عام 220 هـ ببغداد نتقدّم إلى أبيه
الكبير بعزاء القلب وأحزان الولاء عسى أن تكون هذه الأحزان
المقدسة نوراً يُضيء لنا الدربَ في حركتنا التوحيدية التعبّدية
الصاعدة نحو الله عزّ وجلّ .
نرفع احر التعازي لمقام الرسول الاكرم
( صلى الله عليه وآله وسلم )
والى مقام العترة النبوية الطاهرة ( عليهم السلام )
لا سيما امام العصر والزمان ( ارواحنا له الفداء )
لصاحب العصر والزمانومنقد البشرية الامام المهدي
والى علمائنا الافاضل ( اعلى الله تعالى مقامهم )
واليكم اخواني واخواتي المؤمنون والمؤمنات
على امصاب الجواد العين تجري ادموم
ونعزي الكون كله اعـله الگضه مسموم
على امصاب الجواد الگلب يلهــب نـــار
ونظـل نـنـعــه بحزن كل احنه ليل انهــار
لان مسمــوم راح ومرمي فــــوگ الـدار
نبچيله بمصابه والگلب مالوم
على امصاب الجواد انــــــوح وبعـبـــره
وانجــدد عــــزانـــه وبـالگـلــب حســره
دمعــنــه الـيــوم كله التاسع العـــتـــــره
ونتحمل ألم بالفاجعه وهموم
على امصاب الجواد الــروح ماتـهـــــده
وشــدتــنــه چـبـيــره وشــده مـن شــده
ثلث تيام ظل فوگ السـطــح وحـــــــــده
واظن هذا الخبر واضح بقه ومعلوم
على امصاب الجواد الــديــن كله اينوح
لان شافه صـــريع امــــدد ومـطـــروح
مثـل جـــده ثـلـث تـيــام ظل مــــذبـــوح
فوگ اعله الثره ومن العذب محروم
على امصاب الجواد بكل وكت نــنــعــه
ونـلـطم عالصدور ونسچـب الـــدمعــه
حزين الگلب بعــده ومايجــد نــفــعـــه
لچن يبقه الحزن هذا الحزن مقسوم
على امصاب الجواد ادموم تجري العـين
واجب هالحــزن عـالنااااس هــذا وديــن
بس اصعـب مصيبه امصيـبـتك يحسـين
غريب بكربله ياسيدي ومظلــوم
على امصاب الجواد ادموع
تجري العين
حسين منجل العكيلي
تعليق