قصيدة افراح غديريه ( ابوذيات )

[الشاعر الغريب]

قصيدة افراح من الابوذيات

عيد اليوم عيدت هالبريه ** الكل مسلم صبح حيدر وليه

فرحانه الموالين ** وتهني الميامين

الكل مسلم صبح حيدر وليه

ـــــــــــــــــــــــ

مثله منولد واحد ولايــــــــــــــه

من رب العرش عنده ولايـــــــه

احاديث النبي تـــشهد ولايـــــــه

من بعده صبح حــــــــيدر وصيه

رب الكون يشهد ** والخاتم مُحمد

الكل مسلم صـــــــــــبح حيدر وليه

****************

علي نصبه رب الـــــــــــكون والي

اذا رايد تفـــــــــــــوز بحــــــبه والي

كل واحد يضــــده انكـــــــــــله والي

خسران اليـــــــــــــضد حامي الحميه

ربحان الينصره ** ويفوز اليذكره

الكل مــــــــــسلم صبح حيدر وليه

**********

للــــــــــــظلمه صـــــبح حيدر بدرهه

اسد مغـــــــــــوار تشــــــهدله بدرهه

لبن حبك رضـــــــــــــعناه من بدرهه

ربينه اعله المحبه الحـــــــــــــــيدريه

انته صرت نبراس ** واتوارثهه العباس

الكل مسلم صــــــــــــــبح حيدر وليه

***********

مويوم اعتاـــــــــــــــدي حتى ينعـــــــــد

عــــــــــــيد الله اكبــــر هذا ينــــــــــــعد

غصن عالنواصـــــــــــــــب دوم ينعــــــد

تعــــــــــــــــــــــــــيد بيه كل الجعفريه

غيرك مانــــــــوالي ** ياحبي ودلالي

الـــــــــــــــــكل مسلم صبح حيدر وليه

**************

حبك بالــــــــــــــــــكلب صاير محاله

والعنده ذنب حبـــــــــــــــــك محــاله

اعوفن منهـــــــــــــــجك حيدر محاله

لان نهـــــــــــجك صبح اشرف هويه

يانور انته بالعين ** ماعوفك يابو حسين

الكل مسلم صـــــــــــــــبح حيدر وليه

*********

جم ايه وحديث البيــــــــــــــك نصــــــن

وهامات التضــــــدك كلــــــــــــهه نصن

طك لجلــــــــــــك جدار الكعبه نصــــين

صارت معــــــــــــــــجزه هاذي القضيه

يمفند الافـــــــــكار ** ياحيدر الكرار

الكل مسلم صــــــــــــــــبح حيدر وليه

***********

باب الكــــــــــــل فضـــــــــيله وانتباهه

فكر عدوانــــــــك انذل وانتبــــــــــاهه

حبك نفتـــــــــخر بيه وانتباهــــــــــــه

عيد اليوم فرحتنــــــــــــــــــــه سويه

عيدك صار عيدين ** ياوالد الحسنين

الكل مسلم صــــــــــــــبح حيدر وليه

***********

ياتوصف علي يصــــــــــعب وصوله

حواه الدين بفروعه واصـــــــــــــوله

اله جولة حرب تشــــــــــهد وصوله

خلت بالسراب احــــــــــــــــلام اميه

نقسملك مننساك ** رغمن على العاداك

الكل مسلم صــــــــــــــبح حيدر وليه

*********

[أنصار المذبوح]

بسم الله الرحمن الرحيم
اللهم صلِ على محمد وآله وسلم
السلام عليكم :
بارك الله في كلماتك الرائعة
كتبت فأبدعت حقاً انت تستحق كلمة الأبداع

[ابوعلاء العكيلي]

طيب الله انفاسك
بارك الله فيك وجزيت خيرا

[عشق الحسين]

بارك الله فيك، كلمات جميلة

[غسق التميمي]

لا حُرمنا من هذا النفس الذي جلهُ ذكر محمد وآل محمد احسنت استاذ وبارك الله بكم وعطر الله انفاسكم

[الشاعر الغريب]

احبتي الكرام

ابو علاء العكيلي وانصار المذبوح

عشق الحسين وغسق التميمي

جعلكم الله من المتمسكين بنهج الولايه

[الشاعر الغريب]

مازال

بامر الباري حــــــبك علي مازال

اظل امشي بطـــريقك قسم مازال

عرفتك من صغر والكلب مازال

ينبض بالمـــــــــــــحبه الحيدريه