تويت
بيدك وسدته واريته ..... آه يادفان
ابن أمي بيا حاله ألكيته .... آه يادفان
وطفله العطشان ..... آه يادفان
بيدك وسدته واريته
......................
بعيونك شاهدة ابن امي ....جثه بلا راس
عاري ومسلوب عالغبرة....وبالخيل انداس
ضمدت جروحه بجفينك .....شحملة إحساس
حين الوسدته واريته .... راعي النوماس
بعيونك شاهدة صوابه ....آه يادفان
مذبوح ودم نحره خضابه ....آه يادفان
بطف الإحزان ..... آه يادفان
......................
انشد هم عديت جروحه ....وياجرح إذاك
وبصرت بعينك جم طعنة .... وهلت عيناك
ناديته بدمعات عيونك ..... إن ونادك
تذكرك يادفان جوابه .... وبيمن وصاك
عبدالله المذبوح ينادي.... آه يادفان
لرضيع يون شبل الهادي.... آه يادفان
ظل عالتربان.....اه يادفان
........................
وسدت حسين وعبدا لله ....بحضانة يلوع
تعلم مابيه يناغيله .... ونحره المكطوع
ويادفان بليل الوحشه.... الجسام شموع
ضويها وسر كلب الاكبر.....الجاسم مفجوع
شمعة جاسم لا تنساها .....آه يادفان
سر كلب أمه بليل اضماهه....آه يادفان
بوسط الصيوان .....اه يادفان
...........................
وللكافل لو صدت عينك ..... وشفه عالماي
كله بكطعت جفك راحت ...... أمالي أورجواي
كله الحرة تباري ظعونك ......لشخصك شكواي
ياعباس بليل الغربة ..... منهو الحماي
لو غسلة ولو واريته ..... آه يادفان
ألواء بألطف ارفع ساريته ....آه يادفان
وغيض العدوان ....آه يادفان
...........................
رد جفينه ونبلة عينه .... ولا تنسه الجود
بنهر العفة أيثار أمليها ....ولظعونه تعود
كبر وي كل دمعة تهلها....بحك راعي الزود
واندب ياعباس الرية ....نبقى ألها أجنود
لوعينك صدت وتشوفة ....آه يادفان
قبل برضا لطف جفوفه ....آه يادفان
للحك عنوان ....آه يادفان
...........................
يادفان بعينك لاحت ...جم صورة اليوم
من مذبوح ودامي وعاري ....وضامي ومحروم
بيانار استعرت دلالك ....وهليت دموم
يا جرح الرفته بجفينك ....وزاداك هموم
اشد ياجرح الداويته .....آه يادفان
ولجله المدمع دم هليته ....آه يادفان
وصوابه شجان ....اه يادفان
...............................
الحمد لله
ابوحسن المياحي
ابوحسن المياحي
حسين منجل العكيلي
تعليق