يا بوصالح

[الشاعر هشام الشيباني]

يابو صالح كوم طالت غيبتك كوم والحك كبر زينب عمتك

يابو صالح كوم هل أمر محتوم

*******************************************

يلي بيك أطباع عباس الكفيل
ابد مايسكت عله الحك واليعيل
خلي هذا الكون بجفوفك يميل

وسوي بالعدوان حته المستحيل
هاي زينب واكفه اعله التل تصيح دم ابو الاكبر عله الغبره يسيح

عن غيابك صوم هل أمر محتوم
*******************************************
نور ربك رادو ايطفونه
وكبر زينب هددو يمحونه
شلون ترضه سيدي ايهدمونه
والضريح اتصد عليك اعيونه
كبل هدمو سيدي اكبور البقيع وردو السامره هل منضر فضيع

يلله ياجيدوم هل أمر محتوم

*******************************************
كوم يالمهدي بعد شمتاني
بذو الفقارك امحي كل سفياني
منهم الحره ليهسه اتعاني
ونخت بس عباس وانته الثاني
لجن العباس مكطوع الجفوف وانته بعيونك يبو الغيره تشوف

ماحلاله النوم هل أمر محتوم

*******************************************
يلي من رب العرش تسديدك
يلي ساحات الوغه بس عيدك
كوم محتاجينك احنه انريدك
تمحي هاي الضلمه ردنه بأيدك
ردنه تمحي اهل الخديعه والضلال ولو حملك سيدي ايهد الجبال

دوس خشم الكوم هل أمر محتوم

*******************************************
بكلب زينب تسيتعر نار الخيم
شعجب كلبك سيدي ما الجم
يلله يامغوار رفرف بالعلم
وخل بني سفيان تبقه من العدم
كوم يالغايب وصفي احسابك ينتضر بالكوفه ضل محرابك

كوم يامضلوم هل أمر محتوم

*******************************************
تنسبي ام الخدر رادو مرتين
لأن لاعباس يمهه ولاحسين
وحيده ضلت بين هاي الحاقدين
الجيتك تتلفت ايسار ويمين
الجيتك ضلت يمهدي ترتجي الكبر زينب يمته يالمهدي تجي

تنتضر يايوم هل أمر محتوم

*******************************************

هشام الشيباني

[أنصار المذبوح]

م ـوضوع في قمة إْلخيااال
ط ـرحت فابـٌْدع ـت
دم ـت ودآم ع ـطائك
ودائم ـا بأنتظـارج ـديدك الشيق
لكم خ ـالص تقديري واحـترامي

[ابوعلاء العكيلي]

طيب الله انفاسك وعظم لك الاجر