تويت
على طور قصيدة ( روحي ) - خويه – شعر – ام هدى الخزاعي
---------------------------------------------------------------
خويه ...... صرخة وتظل طول الزمن
خويه ..... زينب تصيح من الحزن
خويه ..... يحسين تصرخ يالحسن
-----------------------------------------
خويه يالمظلوم تصرخ .... ويلي حالي .... وانا اشوفك ..... دمعي يجري
والطشت يبن امي يمك .....بيها تلفظ .... خويه جبدك .. روحي تدري
منين اجيب الصبر خويه .... وانا همي ....من يشيله ..... وهذا صبري
تصرخ .... يبن امي فتتني الألم
تصرخ .... كلب الزجيه ماعلم
تصرخ .... مهظومه والعمر امتحن
خويه ..... يحسين تصرخ يالحسن
-----------------------------------------
يالحسن تصرخ تشوفه .... يدير عينه ... وجبده ذايب .... طشته يمه
يلوج بيد حسين اخيه .... وحاله يصدع .... ابن ابوها .... بجبده سمه
ساعه توكع ساعه تنهض .... تند امها ..... ماتجيني .... زهره يمه
يمه ... شوفيني مابين اخوتي
يمه .... محتاره يمه بشدتي
يمه .... وجروح دهري عودن
خويه ..... يحسين تصرخ يالحسن
-----------------------------------------
يبن ابوي تصيح ساعه .... وساعه يمه ..... تشوف حاله .... يهل دمعها
خويه كلي اشلونه اخونه .... روحي حارت....والله حيره .... من فزعها
خويه اشوفه وكلبي يلهب .... جنه راحل .... عني خويه .... من سمعها
يبجي .... الحسين سمعت شهكته
يبجي .... ياخويه صارت صرخته
يبجي .... ياخويه ايامك كظن
خويه ..... يحسين تصرخ يالحسن
----------------------------------------
سمعت حسين وصرخته ..... وفز كلبها .... وكل عذابه .... يهد ونينه
حظنت المظلوم تبجي ..... تلوذ خافت .... من حزنها .... وكل سنينه
لطمت الوجه وتكله .... شلون احمل ..... خويه واصبر....وشبدينه
ميته .... ياريت كبله ولاعشت
ميته .... ولاشفت يحسين الطشت
ميته .... بحزاني كل يوم اندفن
خويه ..... يحسين تصرخ يالحسن
-----------------------------------------
يالحسن كل دمعه منها .... تصيح باسمه .... ها يخويه ..... شلون بيه
لاتغمض العين تصرخ .... خويه احلفك ..... هذا حالي.... صــد اليه
خويه والله انمرد كلبي.... بهذا ونك .... من اسمعه .... ون منيه
ونتك ..... نيران بيه وتستعر
ونتك ..... اسمعها والمدمع جمر
ونتك ..... خلتني كل دهري اون
خويه ..... يحسين تصرخ يالحسن
-----------------------------------------
خويه يحسين ارد اكلك ..... خل نكعده ..... يكلها جعده ..... مض غدرها
خويه مايكدر يكلها .... ايسي منه.... من اخونه .... وفت صبرها
ماكو امل ياخويه كلها .... هذا جبده ..... بطشته دامي .... من خبرها
ناحت .....ماتجي وتحضر ياعلي
ناحت ..... وتشوف ولدك يالولي
ناحت ..... محتاره وحسين امتحن
خويه ..... يحسين تصرخ يالحسن
-----------------------------------------
حسين منجل العكيلي
تعليق