إعـــــــلان

تقليص
لا يوجد إعلان حتى الآن.

يـادهـر چنـك ضـيـعـتني.... زينب تراني

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • يـادهـر چنـك ضـيـعـتني.... زينب تراني

    الشاعر المرحوم الشيخ كاظم منظور الكربلائي -


    يـا دهـر يـكـفـيـك... چم دوب اجاريك
    يـادهـر چنـك ضـيـعـتني.... زينب تراني

    يـا دهـر زيـنـب تراني وعشت بخدور وجلال
    مـخـدره وبـحدود خدري إنمدت رگاب الرجال
    وارض صـيـوان الـهنادي والسمر فوگ ظلال
    واركـان صـيـوان الإبـه...واحمل وسام المرتبه
    بــســتــار عــفــه مــحـجـبـه
    بـالـشـرف عـالـنـاس.....مـرفوعة الراس
    وبـيـوت هـاشـم خـدرتني ..... زينب تراني

    يـا دهـر لـو عـلـيّ تجلب كل مرامي ونايبه
    بـالـصـبـر يـنحرها گلبي ونفسي تنحرها بإبه
    واكـتـسـاب النفس من در الثدي وحجر الربه
    وآنـه الـمن ارباي إچسبت...عز وإبه بيها إنشئت
    وبــحــجــر عـصـمـه تـرعـرعـت
    يـكـفـيـنـي إربـاي... والـعـصمه معناي
    ومـن در ثـدايـاهـا ارضـعتني.... زينب تراني

    يـادهـر وبـسـت مـعـاني سدت بيها العالمين
    لـطـف جـدي والـفـصاحه من أمير المؤمنين
    ومـن اخـوي الـحسن حلمه والصبر من الحسين
    وحظي بثدي الزهره اكتفه...ومن گمر عدنان الوفه
    والـبـاري قــدري شــرفــه
    يـا دهـر انـبـيـك.... تـايـه ودلـيـك
    زيـنـب أنـا وعـفتي كفتني ...... زينب تراني

    يـا دهـر مـانـي الـعقيله وتنضرب بيّ الأمثال
    بـس يـمـر عالناس ذچري وما رأت مني الخيال
    وارتـع بـروض الـسماحه وامرح بگلب الدلال
    سـمـر الـعوالي المشرعه...وبيض الهنادي اللامعه
    بــســرار بــيــتــي الــمـودعـه
    والـبـيـت مـعـمـور ... والـخـدر منطور
    وسـيـوف إخـوتـي الناطرتني...... زينب تراني

    يـا دهـر بـسـهـام غدرك جرحت مني الدليل
    واشگفـتـهـا بدرع صبري ولا رگد مني الحيل
    ثـبـت لـلـطعنات گلبي وبس دمع عيني يسيل
    يـادهـر وإنـت وكـربله...لو تطبچ وكل المله
    لا تــظــن حــيــلـي تـنـحـلـه
    والـنـحـلـت اعـضاي ... والضعفت اگواي
    طـبـرات الأكـبـر نـحـلتني.....زينب تراني

    يـا دهـر واطـفـيـت مني بكربلا شمعة شباب
    مـن الـحـسن عندي وديعه وبيه فاجأني المصاب
    گلـي يـا عـريـس مثله صارت امنصه التراب
    عـريـس وبدمه تحنه...أحا يجاسم يا شباب الجنه
    حــن يــا دهــر ويـاي واجـذب ونـه
    يـا دهـر بـس عـاد .... جـورك عـليّ زاد
    والـغـاضـريـه مـنـين إجتني.... زينب تراني

    يـا دهـر لاتـظـن أهم لك حسبي معبود السمه
    لاچن الـمـرد چبـدتـي وفـجـر عيوني بدمه
    مـن شـفـت عـين الرضيع التهبت بجمر الضمه
    والــطـفـل عـطـشـان وتـدارك أمـره
    والـنـفـس يـتـصـاعـد سـنـان الجمره
    يـبـسـت شـفـافـه مـن لـهـيب الحسره
    مــن جــمــرة الآه.... يــا دهـر والله
    حـسـرات عـبـدالله حرگتني.... زينب تراني

    يـا دهـر لـو شفت عيني تربي لاچن ما تشوف
    إنـصـابـت بسهم التفرس عين مگطوع الچفوف
    ولـو شـفت گلبي مگطع گطعته اشفار السيوف
    مـن گطـعـت مـن جـسـم اخـوي چفوفه
    وانـفگد شـوفـي مـثـل شـمـعـة شـوفه
    يـا دهـر لا تـشـتـفـي ابـطـبـة الكوفه
    لاتـظـن يـا مـيـشـوم... تـسـبيني الگوم
    وطـيـحـة گمر هاشم سبتني...... زينب تراني

    يـا دهـر لا تـشـفي گلبك من حنيني و ونيتي
    مـا اون مـنـك ولاچن اون لـفـراگ إخوتي
    يـا دهـر وحـرگت روحـي نـار جمرة غربتي
    يــا دهـر وانـه زيـنـب الـمـحـجـوبـه
    ومـفـارجـه الـبـيـهـم چنـت مـهيوبه
    ودمـوعـي مـثـل دمـومـهـم مـسچوبـه
    ومـحـاربـه الـنـوم .... والگلـب مـالـوم
    مـن سـوطك الطگني على متني..... زينب تراني
    sigpic
    إحناغيرحسين *ماعدنا وسيلة*
    ولاطبعك بوجهي"بابك إ تسده"
    ياكاظم الغيظ"ويامحمدالجواد "
    لجن أبقه عبدكم وإنتم أسيادي

  • #2

    تعليق


    • #3
      عظم الله أجرك
      sigpic
      إحناغيرحسين *ماعدنا وسيلة*
      ولاطبعك بوجهي"بابك إ تسده"
      ياكاظم الغيظ"ويامحمدالجواد "
      لجن أبقه عبدكم وإنتم أسيادي

      تعليق


      • #4
        طيب الله انفاسك واعظم لك الاجر
        احسنت بارك الله فيك
        حسين منجل العكيلي

        تعليق


        • #5
          شكرا أستاذي
          sigpic
          إحناغيرحسين *ماعدنا وسيلة*
          ولاطبعك بوجهي"بابك إ تسده"
          ياكاظم الغيظ"ويامحمدالجواد "
          لجن أبقه عبدكم وإنتم أسيادي

          تعليق

          يعمل...
          X