يـا يـوم القبر جدك حسين إتروح...إتصيح ابيا ذنب من القفه مذبوح

[من نسل عبيدك احسبني ياحسين]

الشاعر السيد سعيد الصافي الرميثي
يـغـايـب زيـنـب إنـشـدهـا...جـوابـك و الـخـبـر عدها
إجـت مهيوبه محشومه...و مشت مسبيه مهضومه...جوابك و الخبر عدها

عـسـن شـهـر الـحزن ما بيّن إهلاله ...هيج بالقلوب إجروح جتاله
عـلـه الـحمّل أطفاله إبليل و إعياله ...و من سار الضعن و القمر يبراله
تـلـوح الـرايـه بـيـمـيـنـه ...و لا غـمـض جـفـن عينه
لـجل إخته هجر نومه...و مشت مسبيه مهضومه...جوابك و الخبر عدها

يـغـايـب عـمـتـك ما تهِده محنتها...ابهيبه و قدر من الوطن جيتها
و جـفـيـلي الضعن نوّخ بيده ناقتها...و من ردت دقلي إشلون ردتها
غـريـبـه و مـن بـقـه إويـاهـا...و لـويـن الـزمـن وداهـا
بـت حـيدر المعلومه...و مشت مسبيه مهضومه...جوابك و الخبر عدها

يـغـايـب لو تناشدها اعله بلواها...و جم لوعه و مصاب الزمن راواها
مـن كسر الضلع ما قطعت إبجاها...و من ذاك الوكت و أظلمت دنياها
يـتـيـمـه مـن زغـر سـنـهـا...و عـمـرهـا قـضته إبونها
من أبوها و أمها محرومه...و مشت مسبيه مهضومه...جوابك و الخبر عدها

عـتـب يبن الحسن عمتك عدها إوياك...تاخذ ثار إخوها حسين تترجاك
و تـحـامـي شـيعته المتعلقه بحماك...نخوة قلب ذاب إمن الهضم تنخاك
و تـخـبـرك عـن مـصـيـبـتـهـا...ابـيـوم الـذبحوا إخوتها
و من مرت عله الحومه...و مشت مسبيه مهضومه...جوابك و الخبر عدها

جـم إهـلال شفنه للحزن و النوح...و إهلالك يغايب مته إبضيه إيلوح
و يـا يـوم القبر جدك حسين إتروح...إتصيح ابيا ذنب من القفه مذبوح
و إبـجـبـده الـسـهـم صـابـه ...و لـيـش إنـسـلبت إثيابه
و يتامه و حرم مظلومه...و مشت مسبيه مهضومه...جوابك و الخبر عدها

عـن طـلـعتك يالغايب خبر مذكور...تصيح الثار يوم العاشر إبعاشور
تـقـوم إبـجـبـر خاطر زينب المكسور...و إتبرد قلبها البلحزن مجمور
و تـنـشـف إدمـوع الـتـهـلـهـا...إعـله خوها القمر جافلها
و لا يوم النست يومه ...و مشت مسبيه مهضومه...جوابك و الخبر عدها

[م.القريشي]

عظم الله اجوركم اختنا وبارك الله فيكم على الموضوع

[أنصار المذبوح]

[ابوعلاء العكيلي]

اعظم الله لك الاجر وحفظك بحق الشهيد العطشان عليه السلام

[من نسل عبيدك احسبني ياحسين]

شكرا مشرفنا

[من نسل عبيدك احسبني ياحسين]

شكرا أنصارالمذبوح

[من نسل عبيدك احسبني ياحسين]

شكرا أستاذابوعلاء العكيلي