تويت
الشاعر الأديب الحاج جابر الكاظمي
كـافـي الـصـبـر يـالـمحجوب ... كافي المصايب
مـلـيـنـه مـلـيـنـه ... مـن الـصـبر ملينه
كـافـي الـصـبـر يـالـمحجوب ... كافي المصايب
مـن يـا هـضـيـمـة نـبتدي وحالتنه شنوصفها
و الـصـبـر مـفـتـاح الـفرج يبن الحسن نعرفها
هـاي الـوصـايـا مـن الـنـبي ما نكَدر انخالفها
لابـد يـجـي الـيـوم الـذي هـاي البشر نكشفها
يومك يالغايب الامه شيجيبه ... صارت هاي الامه ابريبه
الله اشـــصــارت هــالــغــيــبــه
عـفـنـه الـعـتـب عـفـنه اللوم ... يمك يغايب
تـدريـنـه تـدريـنـه ... مـن الـصـبـر ملينه
شـوف الـزمـان بـيـا وضـع يـبن الحسن خلانه
مـن عـدنـه بـيـنـه هـالفتن ونكَول حيل اويانه
حـيـل اويـه كـلـمـن خـالفك بيده هدم بنيانه
و الـمـثـل تـغـركَ هـالـسـفن من تكثر السفانه
اشـمـا نـتحمل حيل وبينه ... كلما يصدر من ايدينه
دنـــيــانــه اشــراح اتــراويــنــه
خـل نـسـكـت أحـسـن ونكَول ... المن نعاتب
خـلـيـنـه خـلـيـنـه ... مـن الـصبر ملينه
يـا زيـنـه مـن عـدنـه بـدت أولـهـا لو تاليها
لا نـظـل نـتـحـمـل إثـم جـلمتنه خل نحجيها
بـيـوت الـجـهـالـه و الـخدع احنه الذي بانيها
وديـن الله بـيـديـنـه صـبـح سلعة ونتاحر بيها
هـذا الـحـال الـلي أخرنه ... هذا الجزعنّه و حيرنه
مـــن دون الـــنــاس اتــأخــرنــه
ظـلـيـنـه نـعـرض لـلـنـاس ... فن المناقب
نـجـيـنـه نـجـيـنـه ... مـن الـصـبر ملينه
مـسـتـقـبـل الأمـه صـبـح حالة وهم مجهوله
لـو يـسـتـحـلـنـه الأجـنبي منهيالذ مسؤوليه
ضـاعـت مـوازيـن الـعـدل مـابين ذوله وذوله
و الـغـيـره بـسـواكَ الشرف سلعه وصفت مبذوله
بـالأقـوال انـبين حبك ... بالأعمال انخالف دربك
خــلـيـنـه اشـجـم لـوعـه ابـكَـلـبـك
شـنـهـو الـذي قـدمـنـاه ... ويـن المكاسب
دلـيـنـه دلـيـنـه ... مـن الـصـبـر مـلينه
يـالـمـهـدي مـن كـثـر الصبر جمر الهضم ذوبنه
يـا هـو الـتـلـزمـه ايـجـاوبك خليها يم غايبنه
و انـت رهـيـن ابـغـيـبتك و سهم الهجر صوبنّه
بـاجـر تـجـي الأجـيـال التجي تنشدنه و تطالبنه
لـلأجـيـال احـنه اشقدمنه ... شتعلمنه وشتفهمنه
هــذا الــحــال الــلــي ألــمــنــه
و الـمـا تـعـلـمـه الآبـاء ... اتـعلمه التجارب
شـلـكَـيـنـه شـلـكّـيـنه ... من الصبر ملينه
و الله يـبـن الـعـسـكـري لـو ما السقيفه وذلها
مـا جـان هـالأمـه تـذل ويـضـيـع مستقبلها
يـالـمـهـدي و اطـبـاع الـجهل متكَلي شيبدلها
و شـجـرة الـعـوجـه مـن الأصل بالكبر شيعدلها
نـار اغـيـابك تسعر بينه ... كمن طول الموعد ملينه
صــال الــمــوعــد يــا مــهـديـنـه
خـل نـسـأل مـن الـمـعـبود ... حسن العواقب
يـحـمـيـنـه يـحـمـيـنـه ... من الصبر ملينه
يـالـمـهـدي أصـعب كل هظم خلانه تجري المدمع
لـمـن سـمـعـنـه بـكـربله جدك رهين الممصرع
ظـلـيـنـه نـنحب و الكَلب من هالمصيبه اتصدع
هـالـصـدع مـا ظـن يتجبر جم كَلب مثله اتلوع
جدك تصعب لوعة أمره ... و الكَوم اللي هشموا صدره
هــمــه الــهــشـمـوا صـدر الـزهـره
يـالـمـهـدي دهـرك راواك ... اعـظـم نـوايب
تـآذيـنـه تـآذيـنـه ... مـن الـصـبـر ملينه
حسين منجل العكيلي
تعليق