على باب القصيــــــــــــده الطف لگيته يدور
نزل بأول ابياتي وتيـّـــــــــــــــــــه العنوان
مطلع للقصيده يصيــــــــــــــــر كله سيوف
هذا الماحسبته ولا ابــــــــــــــــــــد ما چان
تاهت بيه حد مـــــــــــــا شفت ركضة خيل
على راس السطر متحشــــــــــــمه الفرسان
بكل نقطة حبر زينــــــــــــــب شفتها تحوم
واطفال ويتامى وشــــــــــــــــــردة النسوان
كظيــــــــــــــــــــت القلم كظة جرح ملچوم
خاف اكتب خيّـــــــــــــــــم ..ويشمن الدخان
بكل بيت احس زينــــــــــــــب تندب العباس
معقــــــــــــــــوله العقيله بكل سطر تنهان ؟
على صوت السيّـــــــــاط اسمع گلب مكسور
گلب شايــــــــــــــــل ملاك وبالتباهي انسان
زينب هاي ....... اي بالفعل زينب هاي
معروف الورد من ريحــــــــــــــــة البستان
بس زينب احســـــــــــــــــها بلا شعور تدور
چن دورة شمس والوجــــــــــــه ينطي الوان
اظن عباس غايــــــــــــــــــب ولا ما معقول
حد اخيال زينب توصـــــــــــــــــــل العدوان
گلبت القصيدة ومــــــــــــــــــــا شفت عباس
لا رايه ومهـــــر ... لامن سرج ... وعنان
على شاطي الفرات اسمع ونيـــــــــــن الريح
وارماح وطعن ومناهـــــــــــــــــش الغربان
هنا عباس طايح والچفــــــــــــــــــوف هناك
وهناك العلم والجـــــــــــــــــــــــود والايمان
اومريت الشريعه ولن شفـــــــــــــــت عباس
نورس منذبــــــــــــــــــــح ومگطع الجنحان
يا زينب بعد ماظل كفيـــــــــــــــــــــل وياچ
يا زينب مسيرچ والسفــــــــــــــــــر قد حان
ويابيت الاشطبه ويخــــــــــــــف حزن البيه
البيت الشال زينب يعتبـــــــــــــــــــر قرأن
تاج انتي .. لذلك ردتــــــــــــــــچ اتصيرين
على هام القصيده وصبــــــــــــــرچ العنوان
منقووووووووووووول
حسين منجل العكيلي
تعليق