إعـــــــلان

تقليص
لا يوجد إعلان حتى الآن.

يا مليك الــــدهور!!

تقليص
X
  •  
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • يا مليك الــــدهور!!

    الشاعر الأديب الحاج جابر الكاظمي

    يا مليك الــــدهور حان يوم الظهـور
    طال وقت الغــياب سيدي ما الجواب
    * * *
    الك يا حجة الباري بالدمع أشرح وضعــــــــــــنه
    وانت يبن الحسن تدري بكل بواطن مجتــــــمعنه
    نعتب ومن كثر هذا العتب ملينه وجزعـــــــــــــنه
    اشما نعاتب بالنوايب من يتجاوب وانت غايب
    نعتب ومحد سمعنه
    يا عميد الزمــــان الأمان الأمـــــــان
    قد أتاك العـــــتاب سيدي ما الجواب
    * * *
    مجتمع بالوهم ســــــــارح خسر أهدافه ورصيده
    زين لو بالألف واحــــــــد يملك ايمـــــان وعقيده
    تريد منهم الك ناصر وين ذاك اللي تريــــــــــــده
    والتندبه تاه دربه ومن تجربه تشوف گلبه
    ثعلب ونهجه المكيده
    ديننا كالغــــــريب أين من يستجــيب
    وفقدنا الصـــواب سيدي ما الجواب
    * * *
    الدين أصبح يستجير وما حصل واحد يــــــــجيره
    صدگ لو گالوا يغايب كلمن وذاتـه وضميــــــــره
    ذاك من ذاك التشوفه مخلص وصافي السريــــره
    يا فخرنه يا ضخرنه ابخطر صرنه ومن صبرنه
    الگلب ما يخمد سعيره
    ديننا يستجـــــــير غاب عنه المجير
    وحملنا الصعـــاب سيدي ما الجواب
    * * *
    سيدي والناس أضحت واهمه وتاخذ المظـــــــهر
    واللي تعتبره جواهر من تجربه فحم يظــــــــــهر
    باطنه الحجاج لاچن ضاهره مالك الأشتـــــــــــــر
    ومن توصفه يزهي وصفه ومن تكشفه يالتعرفه
    اتشوفه من مروان أمكر
    صوتنا يستغــــيث نجِّنا يا مغـــــــيث
    ديننا لا يهـــــــاب سيدي ما الجواب
    * * *
    سيدي والمثل واضح ما أظن عالناس يخفـــــــــه
    كل شخص لو مرض صابه من الطبيب اينول وصفه
    والطبيب اشلون لمن يمرض بيا دوه يشــــــــــفه
    يا ضمدنه يا عمدنه الدنيه ضدنه ومنهو عدنه
    نصرخ ونعتب ابلهفه
    يا شفاء القـــلوب من لقلبٍ يــــذوب
    آن وقت الإيــــاب سيدي ما الجواب
    * * *
    سيدي ويا يوم چفك يشهر اعله الظلم ســــــــيفه
    ويطفي جمر اللي توجر من لهب نار الســــــقيفه
    وتدري يا باب الدفعها بالظلم چف الخليفـــــــــــه
    هذا جرمه وعرش حكمه انبنه ابظلمه وعلى الامه
    واضح وما يخفي زيفه
    من فعال الشــرار البـــــــدار البــدار
    لك نصُّ الخطــاب سيدي ما الجواب
    * * *
    هجموا اعله امك الزهره ريتك اتشاهد وضعهــــا
    شتنسه يبن الحسن منهم تنسه محسن لو ضلعها
    ولمن اعله الدار هجموا صاحت الزهره بدمعـــها
    صوتي ينعي يجري دمعي هذا وضعي انكسر ضلعي
    صاحت ومحد سمعها
    من لثأر الضلــوع من لتلك الدمــوع
    من لذاك المصاب سيدي ما الجـواب
    * * *
    لون ما ضلع الوديعه ابدفعة الباب ايتكســـــــــــر
    ما على المظلوم جالت خليها وسحگته العـــسكـر
    ومن لهيب الدار ظلت جمره الصيوان تسعــــــــر
    يالمحــــــــــــجوب انهض وسل بــتارك
    وشچـــــــــــم دوب تنتظر تاخذ ثــــارك
    صــــــــــبر ايــوب صبرك وهاي آثارك
    نصرخ ابلهفة گلبنه يمته يالموعود تظهر
    * * *
    sigpic
    إحناغيرحسين *ماعدنا وسيلة*
    ولاطبعك بوجهي"بابك إ تسده"
    ياكاظم الغيظ"ويامحمدالجواد "
    لجن أبقه عبدكم وإنتم أسيادي
المحتوى السابق تم حفظه تلقائيا. استعادة أو إلغاء.
حفظ-تلقائي
Smile :) Embarrassment :o Big Grin :D Wink ;) Stick Out Tongue :p Mad :mad: Confused :confused: Frown :( Roll Eyes (Sarcastic) :rolleyes: Cool :cool: EEK! :eek:
x
يعمل...
X