الشاعر السيد عبدالخالق المحنّه
سـألـت الـمـجـيـب ...يـعـود الـحـبـيـب...يـغـايـب تـعال
يـجـيـنـي الـلـيل و أنتظرك فجر تطلع...يصلي كل جرح لو أذن المدمع
تـعـال و مـن تـجي عرش الحزن يركع...و أقلك يا فرح لو جيت لا ترجع
صـبـر مـا يـفـيـد...حـبـيـبـي بعيد...دعائي الغريب...يغايب تعال
إذا يـفـرح عـذولـي إشـلون ما أزعل...يقول إغياب مهديكم عجب طّول
إذا فـعـلاً يـحـبـك خـل يـجي و يسأل...أبد ما أيست و الشوفك أتأمل
حـلـم مـا يـروح...سـكـن بـالجروح...جرح ما يطيب...يغايب تعال
يـصـيـر إمـن الـمـهد أنتظرك القبري...و أقولن بإنتظارك خلصت عمري
إذا صـاح الـجـرح ما يسكت إبصبري...و أحس يمي تشاهد دمعتي التجري
دمـوع إنـتـظـار...أعـيـش إعـلـه نـار...شـروق و مـغـيـب
رجـع يـوسـف بـعـد غـيـبه يمهدينه ...فرح يعقوب بإبنه و فتحت عينه
مـتـه يـالـلـي رحـت عـنـه تـرد لـينه...يناشدني عذولي غايبك وينه
أجـاوب يـعـود...يـوفـي الـوعـود...دواء و طـبـيب...يغايب تعال
شفت أصدق عباره إجروحي من تكتب...شفت أصعب عتاب إدموعي من تعتب
أنا و جرحي و دموعي كل وكت نندب...حسبنه إشقد حسبنه و هم بعد نحسب
إجـيـتـك جـريـح...دخـيـلك أصيح...يصبري العجيب...يغايب تعال
تـنـاديـك الـزجـيـه و إسـتـمـع ونها...و أنا وني عليها مو أقل منها
يـأذنـي الـجـروح الـلـي يـأذنـهـا...أريد إوياي أروح إنشوف محسنها
أشـوف الـجـنـيـن ...و أواسـي الـحزين ...يصير النحيب...يغايب تعال
حسين منجل العكيلي
تعليق