إعـــــــلان

تقليص
لا يوجد إعلان حتى الآن.

اشــهــلــعـجـايـب

تقليص
X
  •  
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • اشــهــلــعـجـايـب


    الشاعر الأديب الحاج جابر الكاظمي
    اشــهــلــعـجـايـب *** و إنـت غـايـب
    يـالـمـهـدي شـفـنه اغيوم *** تمطر دمع و اهموم
    اشــهــعــجــايـب *** و إنـت غـايـب

    يـبـن الـصـرعـوه ابـمـحرابه دمه اتفايض بالمحراب
    يـبـن الـمـا راعـوا حرمتها طيحوا محسن خلف الباب
    حـانـت يـالـغـايب ساعتها الأمه انگلبت عالأعقاب
    يـا من تزرع موت ابسيفك قوم إحصد يالمهدي ارگاب
    هــذا ثـــارك *** بـــإنــتــظـــارك
    و عـيـن الـسـمـاء الـيوم *** تمطر دمع و اهموم

    لا مـاضـي ايـشرف لا حاضر أمة اتعيش اعله الأوهام
    مـرت ألـف و أربـعـمـيـة عام ايمر أتعس من عام
    نـصـحه اعله الدمعه المسفوحه و نغفه اعله افراش الآلآم
    لا رأفـه ابـعـاجـز نـنظرها و لا رحمه اتنول الأيتام
    بــس نــفــاخــر *** بــالــمـظـاهـر
    و غـيـمـة سـمـانـه اتـحوم*** تمطر دمع و اهموم

    لا رحـمـه و لا إنـسـانـية ما ندري اشصار ابها الناس
    جـن أنـظـر أشـباح و تمشي لا تفكير و لا إحساس
    لـو جـدك يـحـضر يالمهدي إتغير اعليه نفس الأجناس
    جان إنعادت لوعات الطف و هم فصلوا عن جسمه الراس
    هـــذا واضـــح *** لا تــســــامــح
    و دنـيـانـه عـالـمـظـلوم *** تمطر دمع و اهموم

    يـالـغـايـب مـن عندك ننشد من تظهر تطلب يا ثار
    تـطـلـب ثـار الـدم اليجري من صابوا راس الكرار
    لـو تـطلب كسرة ضلع أمك من عصروها ابباب الدار
    لـو ثـار الـلي وذروا جسمه و رفعوا راسه اعله الخطار
    قـــلــبـي دامــي *** يــا إمــامـــي
    خـلـت سـمـانـه الـقـوم *** تمطر دمع و اهموم

    ثـار الـمـاضـي و ثـار الحاضر تتواصل نفس الأحزان
    مـا رحـمـه انـوجـدت بـالوادم المدمع فجر بركان
    قـوم الـلـي ذبـحوا عبدالله و اتصوب بالطف عطشان
    اتـجـدد مـاضـيهم يالمهدي و ذبحوا من عدنه الرضعان
    اتــظــل ســمــانــه *** مــن دمـانـه
    تـنـزف لـهـيـب و لـوم *** تـمطر دمع و اهموم

    يـالـمـهـدي امـصايب ما تنعد حصلت ببلاد النهرين
    هاي الأرض الضمت حيدر و أرض الحضنت جسم الحسين
    وسـفـه اتـعيش ابهاي الحاله و تترقب يومك كل عين
    و شـعـب اعراگ ايصيح و يهتف يالغايب ميعادك وين
    ابــلــوعــه صــرنـه *** و إنـتـظـرنـه
    شـايـف بـدر و إنـجـوم *** تـمـطر دمع و اهموم

    sigpic
    إحناغيرحسين *ماعدنا وسيلة*
    ولاطبعك بوجهي"بابك إ تسده"
    ياكاظم الغيظ"ويامحمدالجواد "
    لجن أبقه عبدكم وإنتم أسيادي

  • #2
    الصبر ما ودى يالمعبود ما جاب
    وأبد مارد اليه جواب ماجاب
    دعيتك وانت لليدعوك مجاب
    يرب عجل ظهور ابن الزجية

    حفظك الله

    وحفظ الكاظمي علما وذخرا لمذهب أهل البيت
    التعديل الأخير تم بواسطة ~ أين صاحب يوم الفتح ~; الساعة 04-03-2014, 10:17 AM.
























    تعليق


    • #3


      السلام
      عليكم ورحمة الله وبركاته
      ا
      حسنت بارك الله فيك واعظم لك الاجر
      حسين منجل العكيلي

      تعليق


      • #4
        شكرا أين صاحب يوم الفتح
        sigpic
        إحناغيرحسين *ماعدنا وسيلة*
        ولاطبعك بوجهي"بابك إ تسده"
        ياكاظم الغيظ"ويامحمدالجواد "
        لجن أبقه عبدكم وإنتم أسيادي

        تعليق


        • #5
          عليكم السلام شكرا أستاذابوعلاء العكيلي
          sigpic
          إحناغيرحسين *ماعدنا وسيلة*
          ولاطبعك بوجهي"بابك إ تسده"
          ياكاظم الغيظ"ويامحمدالجواد "
          لجن أبقه عبدكم وإنتم أسيادي

          تعليق

          المحتوى السابق تم حفظه تلقائيا. استعادة أو إلغاء.
          حفظ-تلقائي
          Smile :) Embarrassment :o Big Grin :D Wink ;) Stick Out Tongue :p Mad :mad: Confused :confused: Frown :( Roll Eyes (Sarcastic) :rolleyes: Cool :cool: EEK! :eek:
          x
          يعمل...
          X