اه من لوعة مصابج يالبتول
===============
آه يالــــــــــزهره ومصابج يلبتول
بياحزن أگدر أوصفه شراح أگول
والله هذا مصاب حيرها العقول
بيا ذنب هجمو على بيت الرسول
آه مــــــــن لوعة مصابج يالبتول
شلون أوصفَ أمنين أجيبلي فگر
شلون راح اذكر الضلع المنكسر
آه يـــــــاحيدر شگد عندك صبر
تشوف ذيج الزهره مدفونه بگبر
بيها قـــد وصاك هادينا الرسول
آه مــــــــن لوعة مصابج يالبتول
آه يــــمصاب الزجية بلا مـــــثيل
أبد مـــــا انسى مصابج مستحــــيل
أنتي يالـــــــمذكوره بالنص والدليل
متـــــــه يظهر حامي الدين الاصيل
وللـــــــمدينه يصلي يم گبر الرسول
آه مــــــــن لوعة مصابج يالبتول
فدك عد اهــــــل السقيفه معضله
شلون يتگيد علي عـــــــگد الوله
بالخلافه والسقيفه المهزلــــــــــه
وحنه نعرف زين وين المشكله
المشكله بحيدر علي فحل الفحول
آه مــــــــن لوعة مصابج يالبتول
أنته ياكرار بس انته الــــــــــــولي
واحنه هيج النبي وصانـــا بـــــعلي
اليوم بينه رد عرجهم جــــــــاهلي
همه ابن العاص يخوفهم علـــــــي
شلون شال ارگاب بسيوف ونصول
آه مــــــــن لوعة مصابج يالبتول
شكثر وصاهم نبيهم بالاهـــــــــل
نسو عما گال هادينا وفعــــــــــل
حرگ ذاك الباب هالغاصب دخل
ياما جبرائيل بكتاراه نــــــــــــــزل
وجان بيها ريحة الهـــــادي الرسول
آه مــــــــن لوعة مصابج يالبتول
گاصدين الدار والمطلب خطير
لغيـــــر حيدر رادو البيعه تصير
وعلى دارج فاطمه عــــــلنو نفير
وآل حــــال الدين لسوئها مــصير
سرجو خيول الغدر گامت تجول
آه مــــــــن لوعة مصابج يالبتول
بلا دليل نگول مـــــــعلوم الجره
وبهضمهم عاشت الزهره تـــــرا
ومن بعد عين الرسول مگـــــــدره
ورغم كســـر الضلع عاشت صابره
وخذو مجتوف الولي اهل الفضول
آه مــــــــن لوعة مصابج يالبتول
شلون من عصروج أصحاب الغدر
حرمه لا راعو ولا راعو ستـــــــر
طحتي صوب الگاع ضلعج منكسر
انتي صــــرتي كربلا وهمه الشمر
وسال بيه الدمه والموقف مهول
آه مــــــــن لوعة مصابج يالبتول
بقلم "غسق التميمي"
تعليق