الشاعر السيد كامل السيد عباس الموسوي
يـا مـحـلـى الگرايـب.... سـاعـات الـنـوايب
مـن تـلـتـزم خـوتـهـا.... وتـجـود على نخوتها
يـا مـحـلــى الــگــرايــب
شوف أهل الكرم والشرف والجود .... وشوف أهل المعالي
بـذلـت للشرف غاية المجهود ..... وتدري الشرف غالي
تـريـد تـركـز الـعـلـم بالوجود ..... لعالم خيالي
والـطـيـب لـبـنـهـا ..... مـا خـيـبت ظنها
تـتـبـع أمـر سـادتـهـا..... وتـجود على نخوتها
يـا مـحـلــى الــگــرايــب
هـاشـم يالتناشد هاك إخذ دوم ..... من عدها الفراسه
واسـمـع صرخة التاريخ كل يوم ..... بسم أهل الفراسه
لـو ردت الـفخر والفخر معلوم .... من عدهم أساسه
هـاي أكـبـر فـضـيـلـه .... لـلـحگ ودليله
والـمـرجـع قـيـادتـهـا ..... وتـجود على نخوتها
يـا مـحـلــى الــگــرايــب
لـيـش لـكـربـلا تعنت وجتها .... عافت كل نزلها
وشـافـت واجـب وأدت طـلتها..... لحسين ولأهلها
عـيـال وبـالـضـعـين تكلفتها .... ماخابت بأملها
هـاي أهـل الـكـرامـه ..... هـاي أهـل الشهامه
هـاشـم هـاي عـادتـهـا ..... وتـجود على نخوتها
يـا مـحـلــى الــگــرايــب
سـاحـات الـحرب فنها وفننها ..... من يوصل لحدها
مـا هـابـت مـنـاياها ومحنها ..... معروفه بگصدها
صـوار الـمـاخـبـت بالحرب منها ..... مجليه بغمدها
عـافـت لـلـمـديـنـه .... وسـدت لـلضعينه
ولـلـطـف هـاي نـيـتـها .... وتجود على نخوتها
يـا مـحـلــى الــگــرايــب
نـادوا يـا زعـيـم الـدين يحسين ..... ياروح الزچيه
ويـاك مـنـيـن إجـينه لكربلا منين ..... نعلم بالمنيه
مـن ارض الـمـديـنه إحنه المحامين ..... ونحامي (...)
هـاي الـغـاضـريـه ..... وهـاي أهـل الـحميه
جـاوبـهـم شـبل حيدر الكرار ..... حيكم يا نشامه
هـاي أرض الـبطوله وبيها الاخطار ..... ما بيها سلامه
بـيـدي شـلون اوديكم على النار ..... واتحمل ملامه
مــو هـيـن عـلـيـه ..... لاچن شـبـيـديـه
نـزلـوا خطة الميدان الأحرار ...... وردوا كل جهدهم
دون ابـن الـوصي ومهجة المختار ..... ماشلت هممهم
ولـهـم بـالـدهـر تسجي للآثار ..... وتعظم مجدهم
مـن روح الـعـقـيـده ..... لـلـعـالـم تـريده
حسين منجل العكيلي
تعليق