يـا أمـنـياتي ..كربلاء-الشاعر محمد حمزة الكربلائي

[من نسل عبيدك احسبني ياحسين]

يـا ذكـريـاتـي.... يـا أمـنـياتي ..كربلاء
هـيـا خـذونـي ....اشـتاقت عيوني.. كربلاء

مـحـلـه إسـمـهـا كـربله قلبي بإسمها مختوم
مـتـغـيـب عـن عيني أبد عيني ما يهناها النوم
ولـهـانه روحي و هايمه و بصحن أبو اليمه اتحوم
كـربـلـه و مـاضـيها يظل بلساني يتردد دوم
روضـة حـيـاتـي....خـير الصفاتي.. كربلاء
هـيـا خـذونـي ....اشـتاقت عيوني.. كربلاء

يـالـقـاصـديـن الـكـربله وينه اليوديني وين
يـرتـاح قـلبي و خاطري من أوصل القبر حسين
أحرم و أطوف ابحضرته و أنحب و اصب دمع العين
أمـنـيـتـي هـذي بـالعمر خلني أموتن بعدين
بـعـد الـمـمـاتِ ....تـضمن نجاةِ..كربلاء

مـشـغوفه روحي ابكربله إخذوني اوياكم يا ناس
حب كربله بقلبي رسخ و أصبح مشاعر و إحساس
أتـمـنـه بـيـها موتتي أرض الشرف و النوماس
ايـغـسـلـنـي ماي العلقمي و أدفن يم العباس
جـنـبُ الـفـراتِ ....مـثوى رفاتِ..كربلاء

مـن كـثـر شوقي و لوعتي أتمنه عندي اجناحين
واوصـل الـجـنـة كربله و أنزل ابين الصحنين
و أزحـف لـبو اليمه زحف وادموعي فوق الخدين
و أتـعـنـه صـوب المشرعه و أنخه يراعي الجفين
فـي الـنـائـبـاتـي ....و الدعواتِ..كربلاء

مـا مـثـل تـربـة كـربـله نور الله يزهر بيها
شـرفـهـا مـعـبود السمه عز وشرف جاسيها
حـسـيـن إشـتراها الكربله ابدم رقبته شاريها
لـلـديـن كـعبه و عاصمه ابها التسميه امسميها
أرضَ الأبـاةِ ....و الـتـضـحـيـاتِ..كربلاء

[أم طاهر]

احسنت بارك الله فيــــــــــــــــــك في ميزان حسناتك

[ابوعلاء العكيلي]

تغمده الله برحمته الواسعة واسكنه فسيح جناته
السلام عليكم ورحمة الله وبركاته
احسنت بارك الله فيك.... في ميزان حسناتك

[أنصار المذبوح]

[من نسل عبيدك احسبني ياحسين]

شكرا أم طاهر

[علي حسين الخباز]

رحم الله الشاعر والرادود الحسيني محمد الرادود حيث كان امس هو اليوم الثالث من الماتم المبارك بمحبة الحسين عليه السلام .. الفاتحة

[من نسل عبيدك احسبني ياحسين]

شكرا مشرفنا