إعـــــــلان

تقليص
لا يوجد إعلان حتى الآن.

خالد محمد مهدي الحجار// قصيدة (( ورد فتَّح))

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • خالد محمد مهدي الحجار// قصيدة (( ورد فتَّح))


    سم القصيده( ورد فتح) @@

    ******************

    ورد فتَّــــح**عليّ صبَّح **عطش لوعه

    صدر يبݘي**كلب يشݘي**مفجوعـــــه

    عله ابني حگي لوجنّيت**اّنه الوالده الربيت

    ****************

    نجمة ليلي عبد الله يضويلــــــــــــي**زماني من بعدعينه شيخليلي

    خذوا اّمالي من عندي وسهر ليلـــــــي**الخياله ابقه اناغيله ويناغيلي

    بسهامه الدهر طعناته بدليــــــــــــــــلي** ونبلة حرمله طعنتي واولـــي

    حليبـــي حن**زاد الــون**واّلامي

    خذوا روحي**كثر نوحي**أبايامي

    وياك الموت يبني ريت**اّنه الوالده الربيت

    ****************

    مالي عين اشوفن الصبـــــح يصبَح**وخيوط الفجر وسط المهد تمرح

    اگبالي صورته من يضحك ويفـــرح**وصدري من غيابه اعليه يتجرَّح

    وخيالي ايعيش يم عيونه من يسرح**بعد من دنيتي شتمنّه لو اطمـــح

    غيابه صار**حـــق اقدار**بعد عنّـــــي

    صدر امره **على نحره **سبب حزني

    بين اضلوعي حزني طويت**اّنه الواله الربيت

    ****************

    ابشوگ وخوف من عين الحسد احميه**وفزكل ساعه اجس اشبيه مابيه

    من اثداي لو عطشان ݘبده ارويـــــــه**لولابردان ليله اضلوعي لتغطيــه

    ولمّه ابحضني خاف من الهوه ياذيـــه**شيب سنين عمري وكبرتي اتانيه

    صرخ مهده**علــــى فگده**صفه خالي

    مراري ناح ** دمعي صاح**عله الغالي

    يعبد الله رحت ماجيت**اّنه الواله الربيت

    ****************

    خذاك حسين من عندي ومشه خطوات**يا يمه عليك ازدات الحســرات

    ظن دلالي ماترجع بعــــــــد هيهات**گطع گلبي سهم نحرك يغالي أومات

    ضاع الامل منّــي وفرحت الشمات**ولفت أيــــــام سوده بالحزن أوآهات

    نهار اظلـــم**عليّ خيَّــم**بدمع عيني

    شكه مهدك ** فگد ودَّك**يواسينــــي

    حگي من الك حنيت**اّنه الوالده الربيت

    ***************

    على خد الورد گطــــرة الندى تالم **اليظن انسه ملامح بسمتك واهم

    ياعمري وحبيبي ماترد ســـــــــالم**مذبوح ابسهم من ائيد كل ظالــم

    يظل شوگي وحناني ابشوفتك حالم**ستر الليل وحده ابمعتي عالـــــم

    طال الليل**نوح أو ويل **وهمومي

    رحت لبعيد **يفرحت عيد**من يومي

    يبني بالدمه اترويت**اّنه الوالده الربيت


  • #2
    عظم الله أجوركم

    تعليق


    • #3


      السلام عليكم ورحمة الله وبركاته
      طيب الله انفاسك .....احسنت بارك الله فيك

      حسين منجل العكيلي

      تعليق


      • #4
        بسم الله الرحمن الرحيم
        كل فيض منكم معطَّر بحروف الود
        ينحي له رأسي أحتراما
        التمسكم الدعاء دائما فأنا بأمس الحاجة له
        شكرا \\ ممنون

        تعليق


        • #5
          عظم الله لناولكم الاجر بأستشهاد سيدة نساء العالمين
          زوجة الكرار وأم المجتبى والشهيد وأم سيدة الصبر

          بارك الله فيك


          تعليق


          • #6
            بسم الله الرحمن الرحيم
            كل فيض منكم معطَّر بحروف الود
            ينحي له رأسي أحتراما
            التمسكم الدعاء دائما فأنا بأمس الحاجة له
            شكرا \\ ممنون

            تعليق

            يعمل...
            X