اسم القصيده(راح ارباي) @@
***********************
من ايدي راح سهر الليل ورباي **والعطشان يتروَّه الدمه ماي
تظل ضلوعي عالمفطوم محنيّــه
سهم افراكه اشوفه بكلبي يوميه
*******************
ردته يكبر تناطره سنينــي **وشوفن صورته تحله ابعيني
يوم فراگه ماظنن يجينــي **وݘف يسراي اصفگه بيميني
غاب وغابت اّمالي اعله فرگاه
وتمنيت عمري ينكظي ويّــــاه
**رحت بحزانــــــــــي بالآلآم مسبيه
********************
مُناي اگبال عيني ايصيح يُمّه**واجيله ابلهفه وبصدري اضمه
شگله للوكت الجاب همَّـــــــه**ريته عن رضيعي اليوم يعمــه
ينساه ويظل عايش يعوفـــه
ويگّر العين من يكبر وشوفه
**وعاين ضحكته مرسومه ليليّه
********************
ملك الموت اجاني واخذ منِّي**عمري وفرحته وضحكته السنِّي
اشمالك يادهر تفرح ابونِّـــي**من ورد الربيع انگطع ظنِّــــــــي
بݘه صدري وعبد الله أشيجيبه
ثداي اتصّب دمع ناشف حليبـه
** يصدري لاتظن اللوعه منسيَّه
*******************
ياسهم النَّحر ويّاك عتبــــــــه**تتعنَّه علــى نحر الاحبَّــــــــه
الهوَ لعذيبي عن شمّه تحجبه**طفل ماگلت يرضع شنو ذنبه
صاحبت المنيَّه وصبت نحره
وليلي ماطلع لليوم فجــــــره
**فوك المهد دمعاتي جريَّه
********************
فرفح أونشغ من لوعته صاح**لمَّن السهم المنحـــــره لاح
دليلي انطعن وتگطَّـع السبّاح**يريت الليل مايطلعله مصباح
انصبغ وجه المنيه ابدم رضيعـــي
عله امر الله يروحي صبري طيعي
ياكربله ظيمج عم عليَّــــــــــــــــه
حسين منجل العكيلي
تعليق