تويت
ظلع واحد ياعلي شفته وبجيت * انكسر ظهرك ياعلي ودمعك جره
شحال كلبك لو تعاين عالحسين*مو ظلع واحد اظلوع مكسره
وجان شفت حسين جثه بلايه راس*والعده بلا رحمه كطعو منحره
وكف وحده بيوم عاشر بالطفوف*ومابقت انصار عنده تناصره
يدير وجهه اعليهم يسار ويمين*شاف بس اجساد كلهه مجزره
لون حاظر ياعلي يمه وتشوف*من وكع عباس سبع الكنطره
واعتناله حسين بدموع ونحيب*وشافه طايح ياعلي فوك الثره
يكله ياخويه انكسر ظهري عليك*وكسر ظهري بغيبتك شيجبره
ياذخر زينب يكافي الموزمات*بطيحتك زينب تظل محيره
ومن عكب عيناك ياحيد الرجال*زينب ويه اعداك تمشي ميسره
بقلمي المتواضع (خادمكم سعد الغزالي)
حسين منجل العكيلي
تعليق