قصيدة / هاي بت حيدر علي

[الشاعر سعيد الفتلاوي]

قصيدة / هاي بت حيدر علي
........................................
..........................


بْزينب نْعرفت مصيبة كربله
وْلوله زينب ماعرفنه اللي جرَه

فضحت الباطل فخر خير العمل
وْخطّتِ فْصول الجريمه المنكرَه

هاي بت حيدر علي وْ ياهي المِثِلها
وْهيّه رمز الكل كريمه مْخدّرَه

ذلّة الشمر وْ يزيد وْ حرمله
وْهزت عْروش الضلاله اعظم مرَه

بْيا وصف اشعاري توصف هالمره
يكفي بت خير النساء وْ حيدرَه

حِمْلت آلام الليالي المظلمه
من سبوها الدار غربه مْيسّرَه

مو صبر صبر العقيله الطاهره
للصبر اِنْطت دروس تْصَبرَه

وْيا گلب يصبر يشوف المذبحه
وْيا اخت قَبلَت اَخيْها بْمنحرَه

لا فلا حرمه وْ مثلها مْعدله
بْكل زمن سيرتها تبقه مْعطّرَه

وتبقه آيه اُمّ الخدر ومْكمّله
عالمه وْ عند الاله مْقدّرَه

من حبيب الباري جدها مْعلِّمه
وْمن اصل طاهر نسبها مْطهرَه

مو خوارج يالتنادي عْله المله
خطبت بْمجلس يزيد وْ مَحضرَه



............................................
............................................

خادم السيدة زينب ( ع )
الشاعر الحسيني
سعيد الفتلاوي الطويرجاوي

[من نسل عبيدك احسبني ياحسين]

حفظكم الباري شاعرنا

[الأزري]

أحسنت أيها القلم الحسيني المبدع وفقك الله للمزيد من هذه القصائد الرائعة

[أنصار المذبوح]

[الشاعر سعيد الفتلاوي]

جميعا اخت انصار المذبوح
شكرا لك على هذا التواصل