قصيدة / مفجوعه شيعة حيدره

[الشاعر سعيد الفتلاوي]

قصيدة / مفجوعه شيعة حيدره
...........................................
...........................................


كل شيعي يبچي دْموم ينعه ابن الزچيّه

ابن الولي الكرار حمّاي الحميّه

..............


تزحف اجتي الناس افواج وْملايين - تندب اسد بغداد من كل الميادين

تْعزي النبي المختار واولاده الميامين – حزنانه تبچي دموم وتْنوح الموالين

..............

لبست سواد اليوم بغداد الابيّه – والناس كلها اتوجهت للكاظميه

لمصاب ابو ابراهيم حزانه البريه – مفجوعه شيعة حيدره بْهاي الرزيّه

.............

راية عزه بْهاليوم عالكاظم رفعنه – مظلوم يا مسموم عالرايه كتبنه

وْنتحدّه كل ارهاب يوگف ضد زحفنه – شاف الخزي والعار ذاك اللي منعنه

..............

افواج اجينالچ زحف يالكاظميه – بمصاب ابو ابراهيم فخر الهاشميه

تْجدد علينه اليوم حزن الغاضريه – ننصب مجالس للعزه من هالمسيّه

..............

ملعون يا هارون يالچاتل ولينه – گظّه العمر لوعات من عاف المدينه

بْسجنك غدرت ابن النبي بْسَم الضغينه – باچر يصير حساب شِتگلّه النبينه

..............

ننعاك يبن المرتضى صبح وْمسيّه - ماننسه يومك يالولي يبن الزچيه

رغم الفتاوه الظالمه مْن اهل الرديّه – تْمجّد امير اهل الفسق ابن الشقيه



...................................
...................................

خادم اهل البيت ( ع )
الشاعر الحسيني
سعيد الفتلاوي الطويرجاوي

[من نسل عبيدك احسبني ياحسين]

عظم الله أجرك شاعرنا

[نور الساقي]

بسم الله الرحمن الرحيم
اللهم صل على محمد وآل محمد

مأجورين ومثابين

وفقكم الله وجعله ذخراً لكم يوم القيامة

[من نسل عبيدك احسبني ياحسين]

أجرك الباري

[الشاعر سعيد الفتلاوي]

واجركم اعظم شكرا لتواصلكم

[من نسل عبيدك احسبني ياحسين]

أجرك الله.

[أنصار المذبوح]

اللهم صل على محمد وآل محمد
طيب الله انفاسك وجعلها في موازين حسناتك الصالحة

[الشاعر سعيد الفتلاوي]

وانفاسك اختي العزيزه