قصيدة / مؤمن قريش ( ع )

[الشاعر سعيد الفتلاوي]

قصيدة ( مؤمن قريش ع )
...................................
........................

يا اَعظم سَد حمه المختار من كل شر
وْيصدر البي حنان الوالد الاطهر

فخر اولاد عبد المطّلب اقصد
ابو طالب كفيل الطاهر الازهر

نعم مؤمن قريش وْ والد الاعلام
ابد ماد نگ الراس وْ عبد اصنام

ابو الطيار جعفر والبطل حيدر
يِكَفروه النواصب زمرة الظلّام

ولي وْغصبن عليهم مؤمن وْعابد
وْعله الكفار يم رب العرش شاهد

لان طاهر اساسه وْمنبع الايمان
عظيم الشان گضّا للعمر زاهد

رمز كل العرب من اشرف الانساب
موَحّد للاله وْ من صلب لاصلاب

چَذَب كلمن يِكَفره وْ نعرف المقصود
لان ابنه الوصي وْ هذا اوّل الاسباب

وْ لان ما حب اميّه وْ زمرة الانذال
حقيقه وْ لازم انسمّعها للاجيال

حقد بغض وْ ضغينه ضد علي الكرار
حقد سافر حقير وْ ماله كل امثال

لذلك يبقه ابو طالب عظيم الشان
رغم انف الاعادي اتباع ابو سفيان

علم عالي وْ يرف لا ما تهزّه جْبال
وْعله اسلامه شِهَدله سيّد الاكوان

.....................................
.........................

خادم اهل البيت ( ع )
الشاعر الحسيني
سعيد الفتلاوي الطويرجاوي

[ابو مصطفی]

سلام علی?م احسنتم تقبل الله هذه البیات الجمیله من?م بحق ابیطالب سید الانصار علیه السلام

[الشاعر سعيد الفتلاوي]

عليكم السلام
احسن الله اليك اخي ابو مصطفى