اول زعيم .......أحمد السلطاني

[علي حسين الخباز]

بمحرابك قيم طبروهه يا بو حسين
وقيادات النذاله القادت المشروع
ومخططهم كرامات الانسان تموت
وعبيد تصير كلهه وينتهي الموضوع
لذالك منهجك ممنوع ما ينذاع
وانت اول صحيح وينكلب ممنوع
وانت اول زعيم يذل كراسي الجور
وانت اول رئيس ابطنه يغفه الجوع
وانت اول قيادي الفقره لجله تنوح
وايتام وارامل عالمصاب تلوع
وانت اول واخير انتهت من طبروك
رد جفن الارامل مشتهاته دموع
تاهت ياعلي عكبك ورد اللات
وهبل فوك الماذن رد علم مرفوع
من يوم الرحت كلب النذاله ارتاح
وظل كلب الشرف يابا الحسن مشلوع
وعاكول انترس درب الصدك مولاي
اووحكك ياعلي لسه الدرب مكطوع