(( ميزان العداله))
****************
ميزان العداله انصاب بالمحراب
بضربة المنيّه طاح داحي الباب
*******************
بحساباته يدري أمقدّر ومقســــــوم **بضربة المنيه من المرادي اليوم
من شهر العباده ينحرم والصــــوم **وتظل عيليته مالومه ودمع سݘّاب
***********
الدمع سݘّاب من العيــــن ماينشف**الدهر بمصايبه عن شيعته ماكف
ظلت عله فراگه تدگ ݘف أبݘف **شماطــال الدهر ما ترجع الغيّاب
***************
مصيبة فگده ظلَّت عله الراس أدّور**وذاب الگلب من كثر الظلم والجور
ماينفع نخلّي للطبــــــــــگ مستور **علينه البدع كل ساعه أظهرت ݘذّاب
****************
والݘذّاب لاينصلـــــــــح لايعدل **وعن درب العدل ماتيّه وينـــــــــدل
لݘن بعناده عينه تنعمي أوينـــذل **ابتالي الدنيه وبيوم القيامه حســــاب
****************
حساب الناس واليگوف عله الميزان **مايربح الݘـــــــان أمتيّه العنوان
سراط الله علي والحجّــــــــه والقران**صك غفران حبه وباليمين كتاب
**************
بيمنه كتابـــه يسعه الجنت الفردوس**غصباً عالنواصب عالخشوم أندوس
محبت حيدره ماتنشــــــــــره بفلوس**محبتك ياعلي مزروعه بالاصلاب
*****************
بالاصلاب مزروعــــه المحبـــه دوم**أمير عله الگلب متربّع بكل يوم
خلّه الناصبي بحقده علينه يلـــــــــوم **ويًه بن الحرام أيفيد گلّي عتاب
****************
ويّه بن الحرام العتب لاميفيــــــــــــد ** يابو الحسن حبّك بالگلوب يزيد
لو فجرونـــــــه لو گطّعوا رجل وأيد **بلسم للجرح سجدتنه عالعتاب
******************
(
تعليق