إعـــــــلان

تقليص
لا يوجد إعلان حتى الآن.

جرح البين

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • جرح البين

    (( جرح البين ))

    من نايبات البين ... كلبي إِنجرح جرحين
    من عندي ضاع الراي ... اوصار الحزن سلواي
    كلبي إِنجرح جرحين
    ************
    من هالعُمر ... فاض الصبُر ... خلّصته حسره اونوح
    بالهم گضه ... بيّـــــه مُضه ... سهمه الفتحلي جروح
    ضلّيت إِحن ... مثل الهجن ... واجري الدمه منالموح
    شفت السبي ... إِبّيت النبي ... شــــاغت تون هالروح
    بين الگضه مسموم ... والّي إِنذبح مظلوم
    بيهم گصت دنياي ... اوصار الحزن سلواي
    كلبي إِنجرح جرحين
    ************
    اول جــرح ... دمّه يســـــح ... من جـــــــارت الأُمه
    إِبسـيد البشر ... طه الحِضر ... ليهــــــا هُدى اورحمه
    شاف المحن ... من اهل الفتن ... ضل لايـــــج إِبهمه
    إِتحمّـل ظُلم ... شـــال الهضُم ... وســط الكلب ضمّه
    بث حزنه للمعبود ... لجلل العداله إِتسود
    ناره صُفت بحشاي ... اوصار الحزن سلواي
    كلبي إِنجرح جرحين
    ************
    بعده الوصي ... حيـدر علي ... إِتحمّل غصص والآم
    بلايـــه عـذر ... گوم الغـدر ... إِتخلّوا عن الأحـــكام
    ويـالمُعتقــــد ... نقضوا عهد ... جاروا عله الأســلام
    ينزف قهر ... إِبهامه إِنطبر ... ركن الشــرع منضام
    إِيتامه تبچي إِعليه ... اومحرابه ون ينعيه
    بعدك تهل عيناي ... اوصار الحزن سلواي

    كلبي إِنجرح جرحين
    ************
    ضلع الشمس ... رضّه الرِجس ... يـوم الهجـم عالدار
    منهـــا إِرتفع ... صوت الوجـع ... تتنخـه بالمُختــــار
    إِبفيض الدمع ... تشــكي الضلع ... من صوّبه البسمار
    ناده الأمــل ... محسن رحــل ... عُگبه إِنطفت لأنوار
    عالزهره دمعي إِيسيل ... من عملت أهل الفيل
    گمت إِعثر إِبممشاي ... صار الحزن سلواي
    كلبي إِنجرح جرحين
    ************
    بالطف شفت ... وتعجّبت ... عرش الله دمه إِيســـــيل
    إِتـروّه الثره ... من منحره ... داست عليـــه الخيــــل
    راسه إِبرمُح ... وبكل صُبــح ... يقره العصـر ترتيل
    نــاح الملك ... ويّــــــه الفلك ... ثالثهم الأنجيــــــــل
    وياهم القرآن ... لجل السبط حزنان
    يصرخ عُگب رجواي ... صار الحزن سلواي
    كلبي إِنجرح جرحين
    ************
    شفت الشمر ... يحدي الخدر ... اوزينب تصيــح الآه
    بعد الگمــر ... عزّي إِنغـدر ... تـولوني گـوم إِعـداه
    بالطف هوه ... راعي الّــوه ... شــــلون إِرحل إِبلياه
    منهوا اليشد ... ظعن المجد ... ولمن بعد إِنخــــــــاه
    صاحت يراعي الباس ... ياخويه ياعباس
    عذبني درب الماي ... اوصار الحزن سلواي
    كلبي إِنجرح جرحين
    ************
    بقلم / سعد مطلوب الخفاجي

    أنه أبدرب الولايه ... أمير أوبيدي رايه
يعمل...
X