شموخ الحسين

[خالد محمد مهدي الحجار]

(( شموخ الحسين))

*************
ياشمر سيفك لعين بمنحره
بالمكان ألّي محمد باسه
مثل نوره شلون تنحر ياتره
وكون كلَّه عايش بأنفاسه
نور من بضعة نبينه وحيدره
بينه ماتذبح الحب وحساسه
يظل طول العمر طود ومفخره
ملك بمحبته ضماير ناسه
حسين باقي رمز ضد من يغدره
وسور أحنه نظل أله وحرّاسه
سمه الدنيه علينه من دم ممطره
وبالكَلوب الحزن تنصب ناسه
مبدأ الثوره المجيده فجَّره
وعله فوك المجد شامخ راسه
صبر ابو السجاد صبره حيَّره
لوَّع الموت وشرب من كاسه
أعلن الطاغي أنهزامه وأشهره
من النصر خاب وعلن أفلاسه
المايحب حسين تايه معبره
وندري بالتاريخ أله مكناسه
أتلمَّه ويَّه زبالة أهله ومادره
ويظل راسه أمطاطي تحت مداسه