تويت
))علم ثائر((
************
دمك يثائرظل علم بجفوف الاحرار
كعبه تظل الغاضريه أتحجها زوار
**------------------------**
لولاك ماتم الفرض لاشفنه ســاجد
صوت الأذان أنمنع ونهدمت مساجد
اسمك نبض بكلوبنه والباري شاهد
بالدم حييت الديــــــــن يامعقل الثوار
************************
فجرك ويومك صار روح ألنه حيانه
وبينه حيا روح الامل لاخر زمانه
خلها تموت بغيضها منَّك عدانــه
راية أبو فاضل بجفنه راية أنصــــار
***********************
العهد عدنه ويـــاك ما ننساه يحسين
لابد عله المطلوب ساعه يوفي هالدين
طحنه يبو السجاد من بعدك بنارين
نار الضعن من سار ومن فركتك نار
************************
القدر يكتب أسمك بتاريخ الامجاد
كربلــــــــه من غيرك أبد والله متنعاد
منذور ألك كل العمر ياأبو السجـاد
أنظل نضحّي الك أشمهما الوكت جار
*********************
زوارك أحنه اليوم أجينه نحمل هموم
ماهمنه لاعاذل وشامت آ يمظلـــــوم
خلَّــه يلــوم الرايــد محبتــك يلــــــوم
نمشيلك دروب الخطر لوصار ماصار
**********************
يلاوينــــــــــه ولويناه من بغض العتره
بكل تضحيه نواسيك يمشابك الغبره
زينب نواسيها بدمع وأمَّـــــــك الزهره
بمحبتك منخاف لاناصبـــــــي وغدَّار
*****************************
لبيّك من وسط الكلب يحسين صحنه
ضوّت شمسنه بنورك وضوَّه صبحنه
انت الشفيع ألنه وذخر تبقه ربحنــه
يوم الحشر يابو علي بجنتك خطـــــار
********************************