قصيدة / للباقر ما ننساه

[الشاعر سعيد الفتلاوي]

قصيدة / للباقر ما ننساه

...................................
........................



للباقر ما ننساه

جمره وْ تسعر ذكراه – كل حاقد سمّعناه

للباقر ما ننساه

..............

بالسم غدرتو ابن الوصي وْ خير البريه – باقر علوم المصطفى وْ روح الزچيه

منكم لفت كل هالفتن يالناصبيه – بْذاك الزمان الهالزمن جور وْ اذيّه

نِتبع ولينه وْ نفتخر بالرافضيه – ما نتْنازل والله

كل حاقد سمّعناه

..............

هالليله شيعة حيدره تندب وليها – تْعزي التقيّه الطاهره تْواسي نبيها

عالباقرِ تْقيم العزه رغم اللي بيها – بْشرهم وِلَوها بالمحن وامذبّحيها

العترة نبيها تفتدي المال وْ بنيها – والطاغي تتحدّاه

كل حاقد سمّعناه

..............

نْعزي الامام الصادق بْهاي الفجيعه – اليوم العزه بْهالفاجعه نقره وْ نذيعه

خل يسمع المايعتقد باهل الشريعه – بيت النبي حبهم فرض واجب نطيعه

وْ كلمن يواليهم ربح حبهم شفيعه – صوت الحق ردّدناه

كل حاقد سمّعناه

..............

هاي الشعاير للابد رغمن عليكم – يالداعشِ وْ يالناصبي فاشل سعيكم

تبقه المجالس قايمه وْ تلعن وليكم – ذاك الدعي وابن الدعي الطاغي شقيكم

حَرّفتو دين الله وْ بعد خنتو نبيكم – منهجكم خالفناه

كل حاقد سمّعناه

..............

گربت نهاية هالظلم ياهل الضغينه – يالخنتو عهد المرتضى وْ بضعة نبينه

ارض البقيع مْن الظلم صارت حزينه – بْليلة عزانه عْله التقي الباقر ولينه

مجلس عزانه ينمنع بارض المدينه – من هاب احنه وْ ننعاه

كل حاقد سمّعناه




............................

..................

خادم اهل البيت ( ع )

الشاعر الحسيني

سعيد الفتلاوي الطويرجاوي

[الأزري]

أحسنتم يا خادم اهل البيت ( ع )الشاعر الحسيني سعيد الفتلاوي الطويرجاوي

[علي حسين الخباز]

ملا سعيد المحترم احسنت يا خادم المنبر الحسيني ولك المحبة والدعاء

[الشاعر سعيد الفتلاوي]

احسن الله اليكم احبتي وفقكم الله