بطاقات شعرية بمناسبة عيد الاضحى
المبارك
.........................................
..........................................
اليوم هل عْلينه عيد الله الچبير
ديم هالافراح يالباري القدير
علينه يا الهي نْريد تِفْرجها علينه
عليك بْجاه هذا العيد بارينه دَعَينه
الفرح تلگاه يوم العيد رغم ارهاب هالاشرار
لان شعب العراق ابطال ميهاب العدو الغدّار
امانه عْليك يالرايح تحجّ البيت
عله الارهاب تدعي هناك اذاحجّيت
عيد الله نفرح بي وانعايد الاحباب
وْنتعنّه للزعلان واندگ عليه الباب
يا ربنه كون العيد ما يبقه بي مهموم
والفرحه يوم العيد من يفرح المظلوم
بْمصباح يوم العيد يم گبر ابو الاحرار
نْزوره وْنِسَلم عْليه روح النبي المختار
هذا الشهر مبروك وانشوف بي عيدين
عيد الحجيج وْعيد بيعة ابو الحسنين
يكمل فرح كل عيد من تفرح الايتام
هنياله كلمن زار لايْتام هالايام
من باب ابو الاحرار والباب ابو النوماس
مصباح يوم العيد تسعه وْ تطوف الناس
اتمّنه اشوف الناس فرحانه كلها اليوم
واتمنّه اشوف اعياد ما بيها كل مهضوم
....................................
....................................
خادم اهل البيت ( ع )
الشاعر الحسيني
سعيد الفتلاوي الطويرجاوي
تعليق