قصيدة / نْبايع امام الكون

[الشاعر سعيد الفتلاوي]

قصيدة / نْبايع امام الكون
....................................
.......................


حيدر يكرار - حيدر يكرار

نْبايع امام الكون حيدر ولينه
عيد الغدير اليوم اشرق علينه

حيدر يكرار - حيدر يكرار


..............

ربنه العزيز اختار حيدر خليفه – رغم الظلم واشرار اهل السقيفه
طه النبي المختار حيدر وريفه – وحي الاله اليوم بَلّغ نبينه

..............

مْن الباري للكرار هاي الكرامه - حامي الرساله يْكون فخرالامامه
هوّه الامير يْصير راعي الزعامه – يتولّه امر الدين راعي وْ امينه

..............

يشهد اله الكون تشهد سمائه – كل شيعي هذا العيد اطلق ندائه
وبدمّه للمعصوم وقّع ولائه – وْيهتف يداحي الباب بيك احتمينه

..............

نتبارك بْهالعيد عيد الولايه – وانبايع الكرار نور الهدايه
والْاجْله هاي ارواح كلها فدايه - بارض النجف افراح وارض المدينه

..............

ليلة فرح واعياد هاي المسيّه – نْبايع لبو الحسنين حامي الحميه
وْلبينه للمنصور خير البريه – بْيوم المنيّه نْريد يحضر يجينه

..............

ماهمنه كل احقاد اهل الظلاله – للجنّه حب مولاي هوّه الدلاله
واعله الصراط اهناك تسري العداله - للباري والمعبود قربه ارتجينه

..............

حبّه انفرض عالناس بيده السياده - ذخر وْ فخر مولاي راعي القياده
حب الوصي يا ناس نور وْعباده – عالفطره بايعناه باسمه اهتدينه



.............................
.......................

خادم اهل البيت ( ع )
الشاعر الحسيني
سعيد الفتلاوي الطويرجاوي

[الأزري]

هنيئا لكم هذا الولاء أخ سعيد موفق بمحمد وال محمد

[الشاعر سعيد الفتلاوي]

وفق الله الجميع لخدمة محمد وال محمد ص
شكرا لك اخي العزيز

[علي حسين الخباز]

صديقي الشاعر سعيد الفتلاوي قبل الله لك هذا الولاء المبارك وتقبل دعائي

[الشاعر سعيد الفتلاوي]

ربي يحرسك ابو حيدر الغالي