تويت
هوسات للامام علي ( ع )
بمناسبة عيد الغدير الاغر
بمناسبة عيد الغدير الاغر
........................................
........................................
يظل يوم الغدير الآيه والبرهان – الوصي بعد النبي حيدر فخر عدنان
ابامر رب العرش بلّغ وحي القرأن – بعدك حيدر يا بو القاسم عَلْمِ الناس
.........
الامير انت وْفلا غيرك يبو الحسنين – ولي وْكلمن ينكرك خاسر الدارين
الخليفه الهاشمي الاول وصي اعله الدين – ملعون الينكر والينه
.........
يبو السبطين ما غيرك خليفه يْصير – روافض احنه ما نقبل ابد تبرير
الوصي انت اليخالف ماله كل تقدير – نرفض كلمن خالف نهجك يا بو حسين
.........
النجف حيدر اجينه اليوم متعنّين – نِطِوف بْصحن ابو اليمّه وْاله مْلبّين
نِبايع شخصه وابنهجه نظل ماشين – نْبايع حيدر عهد وْبالدم وقّعناه
.........
وصي الهادي الامين مْبايعينك دوم - لان اصلك اِمام مْن الدنس معصوم
فلا مثلك امير ابحكمه ظل مظلوم – يا عدل الباري وْميزانه
.........
علي الكرار واسمك حاضر الشدات – نعم باسمك ولينه نْواجه الصعبات
وابد من هاب وشْما صِعبة الكلفات – بالكلفه وْ يانه وْ تحمينه
.........
علي وْباسمك نباهي الدنيه والافلاك – يبو الحسنين بالدم احنه بايعناك
نعم للموت يا بو الحمله عاهدناك – للموت نْبايع والينه
.........
يبو الحسنين بيك تْفاخر الاسلام – لان باب العلم انت وْ ابو الاَعلام
ابو الاطهار والينه وْ ثَلِثْتَ انعام – نْباهي الكون بْاسمك انت العالِم ياكرار
.........
يبو الحسنين عدل ربنه وْ يميزانه – وْ يرمز الدين فَخره انت وْ يعنوانه
يبو الحسنين عدل ربنه وْ يميزانه – وْ يرمز الدين فَخره انت وْ يعنوانه
يِنِور الكون من نورك يمولانه – للموت نْبايع والينه بالمحشر هوّه يْنجّينه
.........
علي وْ اسمك يهزّ الكون يا مولاي – يحلّال المشاكل يا حكيم الراي
علي بْحبك اواجه كل شرور اعداي – كل شدّه وْ ياي تْنجيني
.........
روافض لليبغضك يا امام الكون – رفضنه اهل السقيفه وْ كل ولد هارون
فنه وْ خاب اليبغضك وانحسب ملعون – شلون نْعوفك حيدر وانت الحق وْياك
.................................
........................
خادم اهل البيت ( ع )
الشاعر الحسيني
سعيد الفتلاوي الطويرجاوي
.................................
........................
خادم اهل البيت ( ع )
الشاعر الحسيني
سعيد الفتلاوي الطويرجاوي
تعليق