بالخيم نار

[عدنان منعم]

بالخيم نار.. يعباس .. يعباس
شتنفع اعذار..يعباس ..يعباس
زينب وحيده ..شوصه الصميده

وصاك الصميده وتعرف شوصاك
نطق زينب يبو فاضل تظل بحماك
اخيتك يالكفيل ودوم تبقــــى وياك
وي الكاها يوليــــــدي اريد الكاك
زينب تنوح – يعباس – يعباس صارت جروح – يعباس – يعباس\ زينب وحيده . شوصه الصميده

انه زينب يخويه وكوم شوف الحال
بس لوعة مخيم والحـــــــرم واطفال
راوتني الطـــــــــفوف وكربله اهوال
واشد موقف عليـــــه شامتك من كال
بلايه خوان – يعباس – يعباس زينب احزان – يعباس – يعباس\ زينب وحيده . شوصه الصميده

يخو زينب تعال وانضــــر لزينب
واثر سوط الشمر فوك المتن يلهب
اخيتك انه اخيـــــــــتك ها يالمعتب
لاتبعد عليه اليــــــــوم خويه اكرب
ابقه وياي – يعباس – يعباس انته رجواي – يعباس – يعباس\ زينب وحيده . شوصه الصميده
عفتني وعالنــهر ياكافلي دارك
وبقت نار المخيم تســـعر ونارك
وتذكارك كرامه وغيره تذكارك يبن ام البنــــين الخافيه اسرارك
ها يعباس – يعباس – يعباس
تشمت الناس– يعباس – يعباس \ زينب وحيده . شوصه الصميده

صدك اطلع سبيه وانته عالغبره
وبقيت اعلا النهر لايمنه لايسره
يخوي بنص دليلي لشوفتك حسره
ونار الغاضريه البلكـــــلب جمره
جمرة مصاب – يعباس – يعباس
مفاركه احباب – يعباس – يعباس\ زينب وحيده . شوصه الصميده

بلا خوان رديـــــــــت بالم وني
واحس بكربله نحري انسلب مني
وصفيت ام الحزن يلناشدت عني اجرع بالهـــــظم هذا صــبح فني
مكدر انساك – يعباس – يعباس
روحي وياك – يعباس – يعباس\ زينب وحيده . شوصه الصميده

خادم الحسين ..عدنان منعم

[ابوعلاء العكيلي]

السلام عليكم ورحمة الله وبركاته
طيب الله انفاسك شاعرنا الكريم واعظم لك الاجر

[خليل علي الزبيدي]

الأخ العزيز بارك الله بجهودكم في نشر الشعر الحسيني

[عدنان منعم]

اخي الكريم ابو امنه نزلت القصيده بالطريقه الطبيعيه واشكر لك النصيحه وكان بالامكان الانتظار وها هيه القصيده بشطل طبيعي ولكم من الحب

[عدنان منعم]

الله يبارك فيك اخي الكريم ابو علاء

[خليل علي الزبيدي]

ها قد بانت راية العباس عليه السلام ترفرف بين شواطيء هذا الابداع المبارك

[عدنان منعم]

نسئل الله القبول اخي الكريم ابو امنه ولكم مني فايق الاحترام