قصيدة في حب الحسين

[خادمة الحوراء زينب 1]

السلام عليكم ورحمة الله وبركاته
بسم الله الرحمن الرحيم
اللهم صل على محمد وال محمد
خل يذبحوه نحور الزائرين***نعتنيك أموات نمشي يا حسين
ما نهاب الموت في حب الحسين
أحنة شدينه السيوف علا النحور ***علكينه أسمك وسام عل الصدور
والجماجم نفضت تراب القبور***طلعت أدك عل الوجه بالاربعين
ما نهاب الموت في حب الحسين
والطيور تعنتك باست دماك***كزبرة جلد السمه بطيحة لواك
ولأن عابس چان مجنون بهواك***صرنه حتى بعابس احنه مجننين
ما نهاب الموت في حب الحسين
شلون سهمك شاف چبدكينمرد***ماذبح روحه على امصاب الچبد
شلون شاف ضلوعك تراب اللحد **** ما لطم عل الراس وياللاطمين
مانهاب الموت في حب الحسين
الزهرة ماطلگت بعد من جابتك **** وانت حتى الكعبة طلعت زارتك
گامت الكعبة تطوف بكعبتك **** وانت هي الكعبة بسمك تستعين
مانهاب الموت في حب الحسين
والخيام عليك طلعت لاطمات **** حرگت بنيرانهن ماي الفرات
صلّت عل صوابك سهام الرماة **** شلون ما نگطع بعد يسره ويمين
مانهاب الموت في حب الحسين
زايرك مو بس فرض يگطع چفوف **** واجب يشيل الضلع لمن يطوف
لأن راسك دامي من دگ السيوف **** واجب نزور الضريح مطبرين
مانهاب الموت في حب الحسين

[خليل علي الزبيدي]

أحسنتم
كتبكم المولى المظلوم من صالح خدمته بمحمد وال محمد

[كربلاء الحسين]

شكرا من القلب يفوح
إلى أحلى وردة تزين الروح
بارك الله لكم بحبكم ( للأمام الحسين ع)