إعـــــــلان

تقليص
لا يوجد إعلان حتى الآن.

قصيدة يهلال الحزن يهلال عاشور

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • قصيدة يهلال الحزن يهلال عاشور

    قصيدة / هْلال الحزن يهلال عاشور
    ................................................
    ................................................



    يهلال الحزن يهلال عاشور

    يْهل الحزن علينه - بهلاله من يجينه

    بْهذا الشهر والينه مغدور


    ..............

    محرّم بي فجيعة ذبح ابو الاحرار - نْذبح بي مهجة الهادي النبي المختار
    حْسين انذبح بالغاضريه وْ مات عطشان - ابشع جريمه ظالمه مرت بالازمان
    لمصابه ما نسينه - ابن الوصي وْ نبينه
    دوم العزه ويّه السنه ايدور

    ..............

    مجالسنه بدت هالليله عالمظلوم – نعزي بت نبي الرحمه وْ ولينه اليوم
    هالليله تبدي هالمجالس تنعه وتْنوح – تنعه وْ تنوح اعله الجره والمات مذبوح
    ما ينتهي نعينه – عاللي جره وْ ندينه
    ما همنه حاكم طاغي مأجور

    ..............

    شهر عاشور احزانه تهلّ وْ ياه – بْالم والاه والحسره تلگيناه
    دْموم الدمع كل ما يهل عالوالي نجريه – نْقدم عزانه للنبي بْسبطه نعزيه
    وللطاهره الحزينه – نعزيها والولينه
    دنيه وْ مَلك حزانه والحور

    ..............

    تلگّينه الشهر باللوعه والحسرات – وْ رفعنه راية الاحزان والثارات
    لبيك نهتف يا حبيب وْ يا شهيداه – الگبرك زحف جينه وْ ننادي وا اماماه
    والكربله سَعينه – يم گبرك وْ دعينه
    الراعي الفرج عالظالم يْثور

    ..............

    يبن حيدر علينه جارو الظلام – نهجهم كافر وْ منهم بري الاسلام
    عدهم فرح عاشور بْمصابك يموعود – ذاك الحكم اهل البدع كل ظنهم يْعود
    بْفتواهم ابتلينه – شلون العلي انتمينه
    زيح الظلم عجّل يمنصور




    ..................................
    ....................

    خادم اهل البيت ( ع )
    الشاعر الحسيني
    سعيد الفتلاوي الطويرجاوي


  • #2
    بارك الله بكم للفيض الحزين
    هلآليه رائعه تقبَّل الله منكم ومن
    في ميزان الحسنات

    تعليق


    • #3
      احسنتم اخي الكريم على هذه القصيدة الرائعه.جعلها الله تعالى في ميزان حسناتكم وان شاء الله تعالى التوفيق لخدمة محمد واهل بيته الطاهرين

      تعليق


      • #4
        السلام على الجسم السليب السلام على الشيب الخضيب السلام على

        المحزوز راسه من القفا السلام على مسلوب العمامة والرداء السلام على الحسين وعلى

        اولاد الحسين وعلى نساء الحسين وعلى أصحاب الحسين(ع)

        احسنت وبارك
        الله فيك ابيات في قمة الروعة
        تحياتي

        تعليق


        • #5
          احسن الله اليكم جميعا وفقكم الله بحق محمد وال محمد

          تعليق

          يعمل...
          X