إعـــــــلان

تقليص
لا يوجد إعلان حتى الآن.

((للموت أعتناله)) لسان حال ليلى وعلي الاكبر عليهما السلام

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ((للموت أعتناله)) لسان حال ليلى وعلي الاكبر عليهما السلام


    لسان حال ليلى مع الاكبر عليهماالسلام





    ((للموت أعتناله ))


    **********


    كصد شبه الرسول بكل معانيه // للموت أعتناله


    أخذهه الروح من وين ألاكيه // كلبي بقه شحاله


    ياربي يموجود


    أدعي الخيمتي يعود


    كلبي بقه شحاله


    **********


    يالاكبر ها ييمه تعوفي تريد // وتخليني وحدي


    الله وياك يبني ولوعتي تزيد // يامهجتي وجبدي


    هوَّه العمر بعد جفاك شيفيد // بيَّه النوح يحدي


    حتَّه الفرح غاب بجيَّت العيد // وياك أمّين أبدي


    يل من روحي أعز وياك أخذني ** للحومه أراعيك


    دهري ياحبيبي بحزن ذبني ** حسباله أجافيك


    تخلّي كَلبي ممرود


    أدعي الخيمتي يعود


    كلبي بقه شحاله


    **********


    أندعيت بخيمتي الرد يوسف اليوم // والرد نظر يعقوب


    دعاء أم وجبدهه شايل هموم// عن الله ممحجوب


    سمايه أتلبدت بسواد الغيوم // حياتي شعمه وتذوب


    شوف العين يمه اليوم محروم // من نورك يمحبوب


    راسه البكر أبن غان ترد بيه ** تريد الجائزه الماي


    ماي عيوني أخذه الكَلبك أرويه** لو من دمعت بجاي


    أدري الدرب مسدود


    أدعي الخيمتي يعود


    كلبي بقه شحاله


    **********


    تطب الحومه وأعرف ماتجيني // تخلّي النوح لمَّك


    أذا ردّيت ألي بشوكَي وحنيني // بين ضلوعي أضمَّك


    تمنّيت العمر يانورعيني // أكَظي كلَّه يمَّك


    آني أعرف زماني يحب ونيني // ردَّك ألي بدمَّك


    فراكك طعن كلبي وهدم حيلي ** غيَّبهه السنينك


    يامهجته فؤادي أرحم دليلي ** فاركَته الحنينك


    تروح بروحك أتجود


    أدعي الخيمتي يعود


    كلبي بقه شحاله


    **********


    يجيبك للخيام وظهره مكسور // يخط بجدامه كوَّه


    عله فركَاك يبني كَلبي مجبور// وبنار أيتجوَّه


    بليل الدنيه مايظهر بعد نور// دمعي بقه سلوه


    الكَمر طلَّك سماه مايحب لظهور// بعد أهل المروَّه


    لجل حسين كلنه لموت نهواه ** يادارك الغايه


    محلآت العمر ينتهي برضاه ** ويَّاه البدايه


    الشهاده اليوم موعود


    أدعي الخيمتي يعود


    كلبي بقه شحاله


    **********


    ياعين التكَر بنهار أظلم // شيطيبه الجرحهه


    شمس الصبح من ما تطلع أسلم // ماريدن صبحهه


    جروحي بهل الصباح عليَّه تلتم // ودموعي ملحهه


    يالاكبر بع عينك بيش أحلم // الهجر روحي ذبحهه


    خل تلتم عليَّه مصايب الكون ** ألا مصابك أنته


    عله دمعات عيني أنشد العون // من كَلبي ودمعته


    عليَّه أظلم لوجود


    أدعي الخيمتي يعود


    كلبي بقه شحاله


    **********


  • #2
    موفقين اخي العزيز خالد الحجار

    تعليق


    • #3
      جمع كل عيلته من أطفاله والنسوان
      كَصد بيهم بعلمه ثوره عالطغيـــان
      وصحبه وياه مثلهم ماكو بالازمان
      دمه وأجساد ظلَّت شابكه التربــان
      هاهاها
      الدين أحياه بروحه
      وبدمه أحيانه

      *************
      ممنون لكل مرور وفيض عذب
      شكرا // ممنون

      تعليق

      يعمل...
      X