للقاسم ع

[ابو زينب الظالمي]

يا جسام يوليدي
يبني الما بعد فگده فتر نوحي
ردتك لزمان وبلسم جروحي
يَمعدل خصالك للحسن توحي
ياسلوة همومي ويا ضواه العين.
----------------------
يالنورك شبه نور الشمس لوحل
وسف جاله الكسوف وبالعجل يرحل.
لمصابك ثار حزني وللجسم نَحّل
ياشبل الحسن ،ياوارث الطيبين.
----------------------
على فرگاك ما بطلل البجي والون
يفز شوگي لون ليل النوايب جن
يازهرة حياتي إلي مشه وظْعَن
اطلبنك سهر ليلي وربات سنين.
¯-----------------+---
جان بشوفتك يبني الگلب ينسر
ياذخري الدفنته لحالي من اكبر
جنت من أَنّدهَك يمه بعجل تحظر
ما أدري إجتني كربلاء أمنين.
----------------------
تعال انظر غيابك وشعمل بيه
يل لو لحظه عفتك يصعب أعليه
إذا عمرك گظيته وما بعد جَيّه
يهون موتتك يبني مصاب حسين
---------------------
ما أنسا وصية والدك يبني
گال ابكربلا بلغيه خبر عني
خل ينصر إمامه ولا يخب ظني
تراهو ابكربلا لا ما يصحله إمعين.
-----)نسألكم الدعاء.
على وزن قصيدة ملا باسم الكربلائي ،ابجي العين لوخلص دمعه العين

[الأزري]

عظم الله أجوركم
وبارك الله بكم

[ابو زينب الظالمي]

الللهم صل على محمد وال محمد