تويت
انتصار الدم
=======
حسين للأســـــــــــــــلام بيوم الفجيعه
بروحه واشرف ناس ضحّه وبرضيعه
الدم عله السيف انتصر
بموقف العزّه والفخر
جدد الدين بدما وحيا الشريعه
************
ارسم الصوره بخيالك للعقيده جيش صــــــابر
وجيش اقزام اّل أميَّه عله حسين وضعنه داير
والمنايا طيور حطّت تاخذ ارواح وتســــــافر
المولى وصحابه بعزم
عالموت شـــدوا الحزم
من الشــــــــدد ماتنهزم
بكربله رسموا مفاخر
هجمت الانصار عالموت أبساله
خطوّا بدم الشهاده النه رســاله
لابد نسير اعله الاثر
بموقف العزّه والفخر
جدد الدين بدما وحيا الشريعه
************
الفجر لابــــــــــد يبيّن ويكشف الظلمات نوره
شيعته ترفــــــع اديهه تندعي يعخّل ظهوره
تنتظر تفرج شـددهه والزمن يطوي عصوره
متعلِّكه بحبل الصــــبر
يابو الوفه شظل بالعمر
كلنه امل يطلــــــع فجر
عفه احبابه شكد صبوره
الكربله الرايات تحملهه الايادي
ريت كلنــــه وياه وبثاره ننادي
ياوكت يفرجهه القدر
بموقف العزه والفخر
جدد الدين بدما واحيا الشريعه
************
محبته واجب علينـه من حليب امنه رضعنه
حسين من دونه بظليمه صحح بدمه وضعنه
كربله نـــور وهدايه البيهه وحّدنه او جمعنه
بأعظم درس جد او نجح
فوك الوطيه من انذبــح
بالغاضريه الدم ربـــــح
والله لوما حسين ضعنه
هذا برهانه ابو اليمه ودليله
شما نقدّم تضحيه لجله قليله
تضحيته للحق والظفر
بموقف العزه والفخر
جدد الدين بدما وحيا الشريعه
************
يل تريد اتعيش يومك براحه محفوظ الكرامه
أبدي بسم الله ورسوله وذكـــــر اهوال القيامه
اتبع العتره بدربهـــه تعبر الدنيـــه بســـلامه
احسب احسابك بالعمل
اياك يموالي الفشـــــل
ساعه او يوافيك الاجل
وبعد ماتنفع ندامه
احسب ايام العمر ساعه بساعه
رابح الماخذ وياه احسن بضاعه
بجنات عدن المستقر
بموقف العزه والفخر
جدد الدين بدما وحيا الشريعه
***********
اليوالي بكلبه يعنـــــي واكف بوجه المدافع
كل عمل ربح وخساره والضريبه لزوم دافع
علّي صوتك لاتخرسه كل نداء اوأله ســــامع
من عالمنابر جلمتـــــك
اشرحهه وضّــح غايتك
المعروف ذمّه بركَبتك
او ثواب العمل نافع
الك يتضاعف اجر كل عمل بسمه
ويانه وبيوم الحشــــــــر يحضر القسمه
نعبرهه مرحلة الخطر
بموقف العزه والفخر
جدد الدين بدما وحيا الشريعه
************************************
تعليق