أبوذيـــــــــــــــــــــــــــــــــــات // ورداك

[خالد محمد مهدي الحجار]

(( بدنهه))
*******
نحيلة حيل مايصحه بدنهه
ليالي السود بمحرم بدنهه
بجفّين وكلب زينب بدنهه
وبعد هالظيم أخذوهه سبيَّه
******
(( نحيله))
******
عله جور الوكت ياهو نحيلـــــه
جتلهه حسين خلآهه نحيلـــه
ضعنهه من اليسر ألمن نحيله
عله أجساد وضحايا الغاضريه
**********
(( شَفته ))
*****
يزيد بكربله أعله حسين شفته
كَطـــــرة ماي ماتوصلهه شفته
الشمر رابض على جثّته شفته
ويحز بكَفاه لخوي أبن الزجيَّه
************
((حملهه))
*****
وينه ألّي كفــــل زينب حملهه
بجف الغيــــره والخوَّه حملهه
وكَع عالمشرعه وخلَّه حملهه
يهد حيل الجبال بهل المسيَّه
*******
(( ظهره))
*****
أمر الله يبو السجــــاد ظهره
عليك الدهر جار بوكت ظهره
يوم الطف كسر للدين ظهره
وأعلن موته بأرض الغاضريه
******
((رحلنه))
*****
أيام الزمن صارت رحلنـه
الدمع والآه والونَّه رحلنه
المنايه ويانه سارت من رحلنه
تصافحنه بسهم وبسيف أميَّه
***********
(( ورداك))
****
من شجرة ضناي أنكَطع ورداك
تاليهه بسهم عبد الله ورداك
صار من الدمه والدمع ورداك
وكَابل مهد خالي بهل المنيَّه
*********

[خليل علي الزبيدي]

موفقين اخي العزيز خالدالحجار

[خالد محمد مهدي الحجار]

فيض كريم ودعاء مبارك
تقبَّل الله منكم ومنا
شكرا مع الود
شكرا // ممنون

[بيرق]

سلمت اناملك يا شاعرنا المبدع خالد محمد مهدي الحجار بارك الله فيك

[خالد محمد مهدي الحجار]

ممنون اخي الغالي على مروركم وفيضكم المبارك
شكرا // ممنون