يعبد الله أتانيك

[خالد محمد مهدي الحجار]

((يعبد الله))

*****

يعبد الله ييمَّه رد أتانيك // يعبد الله ييمّه حلوه أمانيك

وأنته بعمر لزهور** تهاجر مثل لطيور

****

حليب ثداي دَر دمعه أعله حضني

كَلبي ينوح يصرخ آه يبنــــــــــي

ذبحت روحي بجفاك وخاب ظنّي

ماظنّيت لحظه تغيب عنّـــــــــي

يبعد الروح دمعي يسهر الليل // ذنبك شنو وجسمك داست الخيل

طفوا من وجهك النور** تهاجر مثل لطيور

****

ألك مكتوبه هالقسمه العجيبه

حبيبي أتفاركه الصدري وحليبه

تخلّي للكَلب ونَّه ونحيبه

ودك الراح عالراح شيجيبه

ألولي الرسمك أدري المهد خالي // لحظه مايفاركَني بخيالي

أعله خدَّي دمعتي تفور** تهاجر مثل لطيور

****

بجرح نحرك عليَّه رد أداويك

وشوفن بسمة شفافك وناغيك

أذا عطشان من دمعي أروّيك

وأذا بردان بجفونــي أغطّيك

تراب الكاع حظني يلم جسمك // شال الرمح راسك غاب رسمك

عليمن عينك أدُّور ** تهاجر مثل لطيور

****

عله غيابك تحي يوليدي لأيّـــــــام

تفاركني وعليك تنوح الاحـــــــلام

بين ضلوعي أشبكك صارت أوهام

حضني من هجرته تكَدر أتنــــــام

الخيالك أبقه أناغيله وسَكتَه // أخاف عليه لاتفحط مهجته

أشوفه بعيني منحور** تهاجر مثل لطيور

****

بمراري من عفتني وظيم دهري

ليل الحزن جلجل عله فجري

ضاع رباي منِّي وخلص عمري

يرضيعي بجفاك أنكسر ظهري

أشمَّن ريحتك من طيب لثياب // ينشدنِّي وكَلهن الظنه غاب

جفيت بسهم منحور ** تهاجر مثل لطيور

****

[الأزري]

سلمت يمينك أخ خالد وحشرك مع محمد وال محمد

[خالد محمد مهدي الحجار]

اللهم آمين ونحن معكم بحق محمد وءآل محمد
ممنون لهذا الفيض المبارك ياأخي العزيز
شكرا جزيلا مع الود
شكرا // ممنون

[عاشقة غريب كربلاء]

السلام عليكم
ابدعتم وسلمت اناملكم فقد خطت ما يتدفق من قلبكم المبارك من حب وولاء لأصغر الشهداء في يوم عاشوراء
رزقنا الله تعالى واياكم زيارة وشفاعة المولى عبد الله الرضيع.ع.

[خالد محمد مهدي الحجار]

آمين يارب العالمين
اللهم وفقا لخدمة الحسين في هذا المجال وتقبَّل منكم ومنا
على خطاكم أنشاء الله
لاتنسونا بالدعاء
شكرا // ممنون