إعـــــــلان

تقليص
لا يوجد إعلان حتى الآن.

رغم عظم المصاب

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • رغم عظم المصاب


    ((عُظم المصاب))

    رغم عظم المصاب ** رغم كل العذاب

    نشوفهه لبوته الحيدر ماحنتهه النايبات

    خلَّت عيون الشماته تصد ألهه خائبات

    رغم عظم المصاب ** رغم كل العذاب

    **************************

    حُرّه بت حيدر أمامي ** مانكس والله لواهه

    زينب القدوه مثلهه ** ألمجد يمشي بخطاهه

    خيَّبت ظـــن المصايب ** ثوره يعلنه بجاهه

    قدَّم الدهــــر اعتذاره ** لأن بأيامه سباهه

    صبرهه بلا عتاب ** مواقفهه الجواب

    من صبرهه الصبر عانه أنحنه للشامخات

    خلَّت عيـــــون الشماته تصد ألهه خائبات

    رغم عظم المصاب ** رغم كل العذاب

    **************************

    السرور دموعه جمره ** أبد مافرَّح كلبهه

    لو نعد جم يوم مرهه ** حته للبسمه سلبهه

    الحلم ألوانه سوده ** لونه ماخذ من غضبهه

    والحزن بآلآمه حضَّر خيمة أحزانه نصبهه

    عافن بس عذاب ** ياجرح أللّي طاب

    العقيلـــــه جبل صامد ما تهدَّه العاديات

    خلَّت عيون الشماته تصد ألهه خائبات

    رغم عظم المصاب ** رغم كل العذاب
    **********
    صف وكَف جيش آل أميَّه ** أعلنه ألهه الاحترام

    شاف بيهه هيبت العـــــــز ** شا مخه جنهه الامام

    حضنت الثوره وجسدهه ** وصبَّت دموع السلآم

    واثقه القدره بخطاهــــــــــــــه **ذلَّت أنوف اللئآم

    سكت فصل الخطاب ** بسهام وحراب

    أتقبَّل القربان منهه بعرشه ألآه السموات

    خلَّت عيون الشماته تصد ألهه خائبات

    رغم عظم المصاب ** رغم كل العذاب

    **************************

    شافت أجساد الضحايه ** سابحه بدم العقيده

    الوفه قربانه واضح ** وغاية النهضه المجيده

    الاكبر أتودّعه وجاسم ** من دماه أتحنّت أيده

    وعالشريعه حيد ضحّه ** بعينه وجفوفه العضيده

    تشابك التراب ** أطفال وشباب

    قبلة الاحرار صارت للشهاده والثبات

    خلَّت عيون الشماته تصد ألهه خائبات

    رغم عظم المصاب ** رغم كل العذاب

    **************************

    ذلَّت شيوخ النواصب *** شامخه وكلهه أباء

    كيد كيدك أميَّه ** ماتذلنه الطلقاء

    كربله وعه الله ألنه ** جينه والنيَّه الوفاء

    دين بارينه نخانــــه ** والثمن فيض الدماء

    نتحدَّه الصعاب ** وعدنه بالكتابٍ

    ابو اليمه بدمَّه اعلن ثورته بوجه الطغات

    خلَّت عيون الشماته تصد ألهه خائبات

    رغم عظم المصاب ** رغم كل العذاب

  • #2
    مسددين يا أخ خالد محمد مهدي الحجار

    تعليق


    • #3
      ممنون لكم اخي العزيز
      لمروركم وفيضكم مع الود
      لاتنسونا بالدعاء
      شكرا // ممنون

      تعليق

      يعمل...
      X