تويت
((بويه يابويه ))
*******
بويه يابويه // العنين تربي أعله الدرب // ترجع عليَّه
بويه يابويه // ياغالـــــــــي هم ألك بعد // محبوبي جيَّه
يل عفتني بدمعتي ونوح وحزن
مكَابله نجوم الليالي بس أوِن
*****
دمعت عيوني أعله خدي // نزلت جبود
ياحسين الغيبه طالت // رايده تعود
كَلبي شيصبره بغيابك // وين ياعود
كَلي روحي شلون تصبر // كَلبي ممرود
وين عنّي وين // سوده يبويه دنيتي // خذوني سبيَّه
وين عني وين // يمّي يمبعد ماتجي // مآنه رقيَّــــه
عليك ظل كَلبي يوالي ممتحن
مكَابله نجوم الليالي بس أوِن
****
عمري بوروده نِذَرته // ألك وحدَّك
بفرحه أنثرهه أعله دربك // كافي صدَّك
أرد أشبكّنَّك ونامن // وشم وردك
الزمان الخذك منّي // شخله بعدك
الالم والهم // بحسرة غيابك ياوفي // وحظنك الدافي
الالم والهم // لجروحي ما ألكَه دوه // وينه اليوافي
الغياب أيطول عنّي ماأظن
مكَابله نجوم الليالي بس أوِن
*****
عيوني بعيون اليتامه // تشوفك بعيد
كلنه مشتاكَين شوفك // غايب العيد
عايش أنته رد علينه // هلالك نريد
لو نظل بويه بحسرتك // جروحنه تزيد
رد بعد روحي// ووصفلك بحالي شجره // من بعد عينك
رد بعد روحي // بليّاك ماريده العمر // يجفي حنينك
لوأموتن بويه بعدك لو أجّن
مكَابله نجوم الليالي بس أوِن
*****
بويه ظل يبجي ونيني // ليلي مانام
الدمع بخدودي علامه // ودمع الايتام
بالخرابه صار حالي // بدار ظلآّم
عنّي وينك بعد عيني // مٌر بالاحلام
آخر أنفاسي // أغفه على راسك وشم // يابويه نحرك
آخر أنفاسي // العمر خلِّي ينتهي // مصباحي فجرك
ريت عمري أنكّظه ويّاك أندفن
مكَابله نجوم الليالي بس أوِن
*****
*******
بويه يابويه // العنين تربي أعله الدرب // ترجع عليَّه
بويه يابويه // ياغالـــــــــي هم ألك بعد // محبوبي جيَّه
يل عفتني بدمعتي ونوح وحزن
مكَابله نجوم الليالي بس أوِن
*****
دمعت عيوني أعله خدي // نزلت جبود
ياحسين الغيبه طالت // رايده تعود
كَلبي شيصبره بغيابك // وين ياعود
كَلي روحي شلون تصبر // كَلبي ممرود
وين عنّي وين // سوده يبويه دنيتي // خذوني سبيَّه
وين عني وين // يمّي يمبعد ماتجي // مآنه رقيَّــــه
عليك ظل كَلبي يوالي ممتحن
مكَابله نجوم الليالي بس أوِن
****
عمري بوروده نِذَرته // ألك وحدَّك
بفرحه أنثرهه أعله دربك // كافي صدَّك
أرد أشبكّنَّك ونامن // وشم وردك
الزمان الخذك منّي // شخله بعدك
الالم والهم // بحسرة غيابك ياوفي // وحظنك الدافي
الالم والهم // لجروحي ما ألكَه دوه // وينه اليوافي
الغياب أيطول عنّي ماأظن
مكَابله نجوم الليالي بس أوِن
*****
عيوني بعيون اليتامه // تشوفك بعيد
كلنه مشتاكَين شوفك // غايب العيد
عايش أنته رد علينه // هلالك نريد
لو نظل بويه بحسرتك // جروحنه تزيد
رد بعد روحي// ووصفلك بحالي شجره // من بعد عينك
رد بعد روحي // بليّاك ماريده العمر // يجفي حنينك
لوأموتن بويه بعدك لو أجّن
مكَابله نجوم الليالي بس أوِن
*****
بويه ظل يبجي ونيني // ليلي مانام
الدمع بخدودي علامه // ودمع الايتام
بالخرابه صار حالي // بدار ظلآّم
عنّي وينك بعد عيني // مٌر بالاحلام
آخر أنفاسي // أغفه على راسك وشم // يابويه نحرك
آخر أنفاسي // العمر خلِّي ينتهي // مصباحي فجرك
ريت عمري أنكّظه ويّاك أندفن
مكَابله نجوم الليالي بس أوِن
*****
تعليق