تويت
(( تعال وياي ))
******************
تعال وياي أرد أمشي تعال وياي
أيدي بأيدك أرد أمشي تعال وياي
جدم بجدم خل نمشي لبو السجاد
تعال وياي ** تعال وياي
*******************
عابس جنَّنَه لحسين تدرون ** حلو من تشعر بحبه بلجنون
مبخوتين غصبا عليبغضون**وعله اليرضون غصبا والميرضون
نوالي حسين نعرف الفضل منَّه
نطب الجنَّه ويَّه سيد الجنـــــه
ماتنراد جنَّه بغير ابو السجاد
تعال وياي ** تعال وياي
******************
ثواب زيارته من قاس حدهه ** آيــــــات ومعاجـــزمن يعدهه
تدري زيارتـــه أشتاخذ بعدهه**يحضرك بالكبر روحك يردهه
يطّفي النـــار بدموعك يطفّيهه
وبراتب الجدم روحك يغطّيهه
وباب الجنه يفتحهه ابو السجاد
تعال وياي ** تعال وياي
*******************
بعــد وبعــد أتشوف اليسعدك ** تشوف ســــرور أيجسده بودَّك
تشوف العتره كلهه اليوم عدَّك ** وأكيد الجنَّه ما ترضاهه وحدك
تشفع للتحبه ويجـــــــــــي ويَّاك
ستر بالدنيه جان وغطه وحماك
صفّي النيَّه وتعنّه الابو السجاد
تعال وياي ** تعال وياي
**************
حبيبي حسين وأدري بي حبيبك ** طبيبــي بغير وصفات وطبيبك
المســـــافه بعيده لتكول شيجيبك ** من هل الرحمه لعوفه النصيبك
هله بزوار ابو اليمه ينادونه
يتمنونه نرضه من يخدمونه
مواكب عامره من جاه ابو السجاد
********************
نرفع رايه أله كلبك وكلبي ** وأنته أعلن وفائك وآنه حبّي
من تعبك أشيل وشـيل تعبي **بجاه الزهره منَّه اقبل يربّي
أمِّن صفحتك بيضه بختم حيدر
خيعونه الدفاعه علـــي بالمحشر
خادم زايرأسمه يسجله ابو السجاد
تعال وياي ** تعال وياي
*******************
أحنه الما نسيناه ما نســـــــانه ** ابد مايخله ذكره لامكانه
بكل شدَّه وعسر حاضر ويانه ** جف أيده يصفّيهه بحنانه
بكل ذرَّه بكياني حرف من أسمه
الف هنيالك وهنيالـــــي هالقسمه
خل نحرم ونتعنَّه الابو السجاد
تعال وياي ** تعال وياي
*************
على درب الفخر والعز مشينه ** عله عتابه نحط همنه وشكينه
حيانـه بدمَّـــه وافانـــه شوفينه ** هينه الروح لجلــــــه لونطينه
ضريبة حبّه ندفعهه بصدق نيَّه
مشاريع الشهاده بدربه يوميـه
نمت أرواحنه بمدأ ابو السجاد
تعال وياي ** تعال وياي
*******************
الماعنده ضمير شرنجه منَّه ** أعمه العين ماينظر فجرنه
خلَّه بعيد عن راية فخرنـــه ** يفجّرنــه وأبـــو اليمه يلمنه
نشـــــيل الرايــــه نمشيله بكلب ملهوف
لو زرعوا أحقاد وبغض صحنه نطوف
ابو فاضل تلكانه أوي ابو السجاد
تعال وياي ** تعال وياي
*********
تعليق