تويت
انصار ابو السجاد كلهم مفخره
صاحوا فده الارواح لبن الطاهـره
بيهـم التاريخ يفخـر والقلـم
وحكه لوسماهم بأهل الشيم
عالمنيه اتراكضوا كلهم همم
عدهم يقين الفوز دنيه واخره
شلون لمه التموا بوادي الطفوف
هـمـه بالسبعين واتـحـدوا الــوف
جون وي عابس فد صوره تشوف
وبيهم زهير وحر نفس المقدره
طبوا الحومه مثل طبت الاسود
وبثوا الخوف بكلب ذيج الحشود
وخلوا التاريخ والدنـيه شهـود
بالضربه ميثنون شيعة حيدره
كل فـرد منهم سطـر مـلحـمـه
لكربله انذخروا ولهل موزمه
رخصوا الغالي لبن حامي الحـمـه
ومابيهم الي كال ارجو المعذره
نزعوا ادروع التحامي اصدورهم
وفـوا ابوادي الطفـوف انـذورهم
طلعوا اعله الموت تزهي انحورهم
وبنصرة المضلوم اخذوا تذكـره
وبقت انصاره عله طول الزمن
كلهه تركض عالمنايا ابلا جفن
ومنهم الي عـدل ياويلي انـدفن
وهنيال المضحين لبن الطاهره
تعليق