تويت
مووكت الفراك يبويه لاتخليني
وانه عليله منهو الي يباريني
تدري كلبي مجروح .. ارحم حالي لتروح
لاتخليني
أسألك يالابو واطلب جوابي
اشوف ابعينك الدمعه ترابي
احس من نضرتك تشكي مصابي
وسكوتـك هـو اليزييد عـذابـي
بكليبي احس نار يبويه لاتخليهه
وبس ابجوابك انت الي تطفييهه
وانضر دمعي مسفوح .. ارحم حالي لتروح
لاتخليني
يبويه لملمت ضعنك والعيال
موبس النسه ماخذ الاطفال
اشوف الكل يصدلي بدمع همال
دجاوبني يبويه وريح البال
عالسفر ناوي جنك ياضئوه عيني
وبالدار وحدي شو جنك تخليني
أسمع صرخت الروح .. ارحم حالي لتروح
لاتخليني
ما أصدك ابـد بويه تـسافـر
و تدري بحالتي يبن الاطاهـر
يابلسم اجروحي أشلون اصابـر
عكبكم ابـقـه مكسورة الخاطـر
اخذوني وياكم اسرج خيلكم كلهه
ولتكول طفلهه وصدك ما امل منهه
وافرش الكم الروح .. ارحم حالي لتروح
لاتخليني
لاتخليني
واذ ماتقبل ابروحتي وياك
الي عدك طلب يمك وارجاك
واحلفك وبحليب امك الغذاك
تتركلي اليسد وحشتك واجفاك
عوفولي عبدالله عالفركه يسليني
وبمهده الوليهه واتصبر عله ونيني
وكلبي اعليكم اينوح .. ارحم حالي لتروح
لاتخليني
يبويه الدار لوصبحت خليه
تصير اركانهه وحشه عليه
واذا مارجع طارشكم اليه
احسسه اتكرب لروحي المنيه
وامن السفر هذا بويه كلبي لاجمني
ومااضن يالغالي هاي الدنيه ترحمني
وتكبر بويه الجروح .. ارحم حالي لتروح
لاتخليني
لاتخليني