إعـــــــلان

تقليص
لا يوجد إعلان حتى الآن.

هله بالمشايه ... والنعم وفايه

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • هله بالمشايه ... والنعم وفايه

    هله بالمشايه .. والنعم وفايه
    جيتوا تتلكوهه .. الزينب اتواسوهه

    هله بالمشايه



    والله والنعمين منكم ماخلفوتوا اوعودكم

    جيتوا شيب انتوا وشباب اتثبتون اعهودكم

    هالمسيره دوم تـبـقـه ثابـتـه وابـزودكـم

    ولاتـعوفوهـه يشيعه هي تعني اوجودكـم

    اله ضحوا الغالي .. وسمعوا عذالي

    بالدمه تفدوهه.. الزينب اتواسوهه
    هله بالمشايه



    جيتوا والدمعه تلالي غاركه بجفونكم

    هالوضع ليل ونهار وماتغمض اعيونكم

    ابهالشعيره حيرتوا ناس اليضدونكم

    وابد ماخفوتوا غدرهم الرادوا ايمنعونكم

    وصحتوا لوفجرونه .. والله ميرجعونه

    وندري متعوفوهه .. الزينب اتواسوهه
    هله بالمشايه





    كل فرد منكم يشيعه نذر روحه الهيجي يوم

    وكتب لولاده وصيه انصروا المضلوم دوم

    وقروا عين الزهره يله لاتخلوهه تلوم

    زامطت بيكم الدنيه وزامطت اهل السموم

    يله ارفعوا الرايه .. ودوسوا عالمنايه

    وهاي لاتنسوهه .. الزينب اتواسوهه

    هله بالمشايه



    كل فرد منكم ينادي خلهم يفجروني

    درع مااريد اعله صدري عابس ايسموني

    هواي من الخلك سمعت وكوم اليضدوني

    انه بالدنيه شسوي ابغير نور اعيوني

    جربيتوا افعالي .. راسي دومه عالي

    وسمعوا اليضدوهه .. الزينب اتواسوهه

    هله بالمشايه





    هالتعب هالدمع هذا بالحشر تلكونه

    وعونه اليذخر الباجر ماتهل اعيونه

    كله متسجل يشيعه والله متضيعونه

    والسراط ابلايه رهبه انتم اتعبرونه

    وحيدر ايتانيكم .. هو اليحاميكم

    ويمه اتشوفوهه .. الزينب اتواسوهه

    هله بالمشايه
    نحن قوم لانبالي بالحياة
    فزرعنا كل شي للمماة
    وسلكنا نهج حيدر والاباة
    رافضين العيش بالذل كالحسين

يعمل...
X