تويت
فرصه ماتتكرر .. لوعفتهه تخسر
ومسكين كلمن تركهه اتفوته
يلي دوم ابصوت تهتف انه عاشق للحسين
وثاره ابدا مانسيته اتصيح وابطول السنين
وصحت افديه ابحياتي موفقط مال وبنين
هاي فرصه هالاجتك يالكلت بالركبه دين
ابكيفك انت اتخير ... اتوفي لوتتعذر
ومسكين كلمن تركهه اتفوته
انت جم مره الكلتله ليتني كنت معك
وياما عاهدته ابحضرته اوقعيت ابمدمعك
وشهديت الملك يمه وكلهه جانت تسمعك
وحتى اليزورون يمك ردووا مااروعك
عهدك انته اتصور ... يم علي وبالمحشر
ومسكين كلمن تركهه اتفوته
فتوه اجت امن المراجع سهلت امرك عليك
وحققت حلم التريده وجابت الفرصه لديك
كوم نفذهه الوعودك غيرهه لتضن تجيك
وهاي ضلت يمك انت ولاتضن اترجه بيك
وفاز كلمن قرر ... وفده دم المنحر
ومسكين كلمن تركهه اتفوته
انت تدري باليضدك ناوي يهدم ياقبر
ايريد يمحي كربلاء ويدك رايات الكفر
ولوسكتنه انه وانته تنتصر اهل الغدر
وصدك انعيش المذله وبعد مايسوه العمر
يله كوم واثئر ... حومتك تتنطر
ومسكين كلمن تركهه اتفوته
هاي اخوتك عالسواتر اتسجلوا كلهم عوابس
ابلاحساب الجنه الهم والله والله ابلامنافس
وفوك هذا ايضل اسمهم درس تنطيه المدارس
وحكه كل واحد البيهم يفتخر بين المجالس
والمراجع تفخر ... بيهم وتشكر
ومسكين كلمن تركهه اتفوته