تويت
ربي عجل ضهور المنتضر
احنه ليل نهار ندعي ابهالدعاء
ياالـه الـكـون قـد طال الـبـلاء
وحلها عدك ربي يارب السماء
وماكو غيرك عنه يرفع هالخطر
ربي محتاجين قائدنه الغيور
اجتمعت اعلينه اصحاب الفجور
وهاي وحده من علامات الضهور
والعلامه الثانـيه دمـنه نـهـر
رجعت النه حاقده اهل الوثن
اتريد تاخذ ثارهه ابهذا الزمن
ومثل صب المطر صبتهه المحن
والحرب قامت وعندك هالخبر
الفتن كثرت ياالهي ابهالزمان
واصبحت دنـيانه مابـيه امان
وتلكه دم الابرياء ابكل مكان
وحتى طفل البالمهد تدري انغدر
حرب شنته علينه المجرمين
وكالوا اعلينه انتم مشركين
وحللوا دمنه يرب العالمين
وابـد ماعدهم قيـمه للبـشـر
تدري هذا الحقد من يوم الغدير
كالوا الواله علي راسه يـطـيـر
واليوالي ابنه اله نفس المصيـر
وتدري كطعوا يالهي اجم نحر