تويت
ياحسين .. من أسمع اسمك انحني
ياحسين .. فـدوه الك لوانفـني
علمتني اشلون ماهاب الطغاة
علمتني الديني ارخصهه الحياة
ياحسين .. ياحسين
.........
.........
موعجيبه الي تشوفه ياامامي
ولاجديد الي تسمعه وابكلامي
انشد الربتني عني وعن هيامي
اشلون بالدمعه جنت ابعث سلامي
وكل نهار .. الك تنزف دمعتي
ابكلبي نار .. ماطفت يامهجتي
وعاهديتك حبي يبقه للممات
........
........
جانوا أيوشحوني أهلي بالسواد
جنت أشوف الدنيه كلهه افد حداد
وجنت ابجي ياامامي ابلاهواد
من اجيبـن سيرتك وي العباد
وجنت اصيح .. ياحبيبي ياحسين
ماتطيح .. رايتك يبن الامين
كون كبلك منذبح يبن الاباة
.......
.......
من كبرت وعودي خضر وبمحبتك
كمـت اتحـدى التضدني وبـثورتك
وعانديت الناس تدري من عشكتك
وابـد ماستوحش انه ابروحي شفـتـك
وماتغيب .. شمسك اتضوي الي
يالحبيب .. بيك اسئكت عاذلي
اتعلمت منك انه خير الصفات
...........
...........
كربله مافاركتني وبصورهـه
وحيل والله اتحيرت انه ابمرهه
ياشخص مثلك يجيب اهله لنحرهه
وصعبه ايجازف بخيتك وبخدرهه
ولن تصيح .. كله فدوه الديني
ياذبيح .. ابنهجك اتغـذيـني
واسمك الهاليوم يرعبهه الجناة
........
........
علمتني مااهادن لا أساوم
والضلم ماأنحنيله وكون اقاوم
وعلمـتني نحري امده للصوارم
وماامدن ايدي ابد للي ضالم
وانه هاذ .. راسي عالي كالنجوم
ياملاذ .. مااطخ للضلم يـــوم
وراح اكشف صدري لسهام الرماة